John Russell (baloncesto)

John David "Honey" Russell foi un xogador e adestrador de baloncesto estadounidense que xogou durante 25 tempadas na American Basketball League, a primeira liga profesional de baloncesto dos Estados Unidos. Posteriormente exerceu como adestrador, sendo o primeiro en exercer o devandito papel nos Boston Celtics da NBA, e dirixindo á Universidade de Seton Hall durante 15 tempadas. En 1964 foi incluído no Basketball Hall of Fame.

John Russell

Biografía
Nacemento	31 de maio de 1902 Brooklyn, Estados Unidos de América
Morte	15 de novembro de 1973 (71 anos) Livingston, Estados Unidos de América (pt)
Educación	Universidade de Nova York Alexander Hamilton High School (en)
Altura	185 cm
Peso	88 kg
Actividade
Ocupación	adestrador de baloncesto, baloncestista
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA
Posición de xogo	Base
Traxectoria   Equipo – Chicago Bears

Traxectoria deportiva

Xogador

Tras deixar o seu High School con 16 anos, converteuse en xogador profesional, disputando diferentes ligas, como a Interstate League, New York State League, Pennsylvania State League, Metropolitan League, e a American Basketball League, a primeira gran liga profesional dos Estados Unidos. En total xogou en 22 equipos diferentes nos seus 25 anos de carreira profesional, disputando máis de 3.200 partidos, unha cifra que sería o equivalente a entre 30 e 40 anos dunha traxectoria profesional moderna. Foi en catro ocasións All-Star cos Chicago Bruins e os Cleveland Rosenblums, gañando a ABL en dúas ocasións, en 1926 e 1939.

En 1928 disputou tamén a NFL, a liga profesional de fútbol americano, cos Chicago Bears, que eran do mesmo propietario que os Bruins, cos que xogaba a baloncesto. Durante moitos dos seus anos como profesional exerceu como xogador-adestrador.

Adestrador

Tras retirarse das canchas, foi o adestrador da Universidade de Seton Hall entre 1936 e 1941, logrando un balance de 101 vitorias e 32 derrotas. A súa carreira viuse interrompida pola segunda guerra mundial, regresando aos bancos en 1946, cando se converteu no primeiro adestrador da historia dos Boston Celtics, posto que ocupou durante dúas tempadas, xogando na BAA.

Regresou a Seton Hall en 1949, dirixindo ao equipo até 1960, logrando o maior éxito dos Pirates na súa historia ao conseguir gañar o NIT en 1953, contando con xogadores do talle de Walter Dukes e Richie Regan. En 1964 foi incluído no Basketball Hall of Fame como xogador.

Estatísticas como Adestrador

Equipo	Ano	Liga Regular					Playoffs
		Partidos	Gañados	Perdidos	% vitorias	Clasificado	Gañados	Perdidos	% vitorias	Resultado
Boston	1946-47	60	22	38	.367	6º na División Leste
Boston	1947-48	48	20	28	.417	3º na División Leste	3	1	2	.333
Total		60	18	42	.300	-	3	1	2	.333

Véxase tamén

Ligazóns externas

• Estatísticas de Russell como adestrador Arquivado 29 de marzo de 2010 en Wayback Machine.
• Páxina de Russell na web do Basketball Hall of Fame