John Maclean

John Maclean, nado en 1879 e finado en 1923, foi un político escocés.

John Maclean

Biografía
Nacemento	24 de agosto de 1879 Glasgow, Reino Unido
Morte	30 de novembro de 1923 (44 anos) Glasgow, Reino Unido
Causa da morte	pneumonía
Educación	Universidade de Glasgow Queen's Park Secondary School, Glasgow (en)
Actividade
Ocupación	político, mestre
Partido político	Social Democratic Federation (en) Communist Labour Party (en) British Socialist Party (en) Scottish Workers Republican Party (en)
Membro de	Clyde Workers' Committee (en)
Outro
Condenado por	Sedición (1918)
Descrito pola fonte	Grande Enciclopedia Soviética (1926—1947)

Traxectoria

Naceu en Glasgow nunha familia orixinaria das Higlands. Maclean converteuse en mestre de escola e só entón acudiu á universidade, alí desenvolveu o seu pensamento político, na certeza que só a adopción do marxismo podía liberar as masas traballadoras das súas condicións de vida. Integrouse na Federación Social Democrática (SDF) que máis tarde deu orixe ó Partido Socialista Británico, converténdose Maclean no seu líder en Escocia.

Opúxose á primeira guerra mundial por considerala unha guerra imperialista que dividía ós traballadores. En 1915 as autoridades cesárono no seu posto de mestre e en 1916 pasou pola prisión durante un ano. Tras a revolución soviética Lenin deulle o posto de cónsul soviético en Glasgow. Cando en 1920 o PSB e outros grupos organizaron o Partido Comunista de Gran Bretaña, Maclean intentou organizar, sen éxito, un Partido Comunista Escocés.

En 1923 fundou o Partido Republicano dos Traballadores Escoceces de tendencia independentista e comunista que buscaba a implantación dunha república comunista de Escocia que herdaría a tradición do comunismo de clans celta.