Joachim Ringelnatz

Joachim Ringelnatz, pseudónimo de Hans Bötticher, nado en Wurzen o 7 de agosto de 1883 e finado en Berlín o 17 de novembro de 1934, foi un poeta e pintor alemán.

Joachim Ringelnatz

Biografía
Nacemento	7 de agosto de 1883 Wurzen, Alemaña
Morte	17 de novembro de 1934 (51 anos) Berlín, Alemaña
Causa da morte	tuberculose
Lugar de sepultura	Friedhof Heerstraße, 12 D-21
Actividade
Campo de traballo	Literatura en alemán
Lugar de traballo	Múnic
Ocupación	poeta, escritor, pintor, actor
Familia
Cónxuxe	Muschelkalk Ringelnatz
Cronoloxía
marzo de 1933-outubro de 1933	queima de libros na Alemaña nazi
Sinatura
Descrito pola fonte	Hamburgische Biografie Obálky knih,

Traxectoria

O seu alcume literario procede da forma dialectal Ringelnatz que fai referencia á estándar Ringelnatter (un tipo de cobra acuática bastante común na xeografía europea). Foi mariñeiro na primeira guerra mundial nun dragaminas alemán, e durante os anos vinte e trinta viviu do cabaret. As súas composicións poéticas distínguense polos seus xogos de palabras e aproxímanse á poesía sen sentido con carácter satírico e por veces subversivo. A súa creación máis coñecida é o mariñeiro anarquista Kuddel Daddeldu coas súas falcatruadas de borracho e desprezo pola autoridade.

Nos seus derradeiros anos de vida centrouse no rol de artista visual. En 1933 o réxime nazi inseriu o seu nome nas listas de artistas dexenerados prohibidos en Alemaña. Durante a segunda guerra mundial a súa obra deuse por perdida pero unha vez finalizada sóubose que sobreviviran 200 das súas obras gráficas.

Obras

• 1910 Gedichte
• 1911 Was ein Schiffsjungen-Tagebuch erzählt
• 1912 Die Schnupftabak dose. Stumpfsinn in Versen und Bildern von Hans Bötticher und Richard Seewald
• 1913 Ein jeder lebt's. Novellen (Reconstrución dixital: UB Bielefeld)
• 1920/1923 Turngedichte
• 1920 Kuttel Daddeldu oder das schlüpfrige Leid
• 1921 Die gebatikte Schusterpastete
• 1922 Die Woge. Marine-Kriegsgeschichten
• 1923 Kuttel Daddeldu (Reconstrución dixital: Kuttel Daddeldu. Neue Gedichte der erweiterten Ausgabe, digitale Rekonstruktion einer Ausgabe von 1924/ UB Bielefeld)
• 1924 ...liner Roma... Mit 10 Bildern von ihm selbst.
• 1924 Nervosipopel. Elf Angelegenheiten
• 1927 Reisebriefe eines Artisten
• 1928 Allerdings (Reconstrución dixital: UB Bielefeld)
• 1928 Als Mariner im Krieg (baixo o pseudónimo Gustav Hester)
• 1928 Matrosen. Erinnerungen, ein Skizzenbuch, handelt von Wasser und blauem Tuch
• 1929 Flugzeuggedanken
• 1931 Mein Leben bis zum Kriege (Autobiografía)
• 1931 Kinder-Verwirrbuch mit vielen Bildern [neu 2006, Wegberg: Aurel Verlag, ISBN 3-938759-04-6]
• 1932 Die Flasche und mit ihr auf Reisen
• 1932 Gedichte dreier Jahre (Reconstrución dixital: UB Bielefeld)
• 1933 103 Gedichte (Reconstrución dixital: UB Bielefeld)
• 1934 Gedichte. Gedichte von einstmals und heute

Póstumas

• 1935 Der Nachlaß
• 1939 Kasperle-Verse

Véxase tamén

Ligazóns externas

• Web dedicada a Joachim Rigelnatz Arquivado 12 de outubro de 2018 en Wayback Machine. (en alemán).