Jarvey Gayoso
Javier Augustine "Jarvey" Ocampo Gayoso,[1] nado en Las Piñas o 11 de febreiro de 1997, é un futbolista filipino que xoga como lateral esquerdo no Phnom Penh Crown da Liga Premier de Camboxa. É internacional coa selección de Filipinas.
.jpg) (2022)  | |
| Biografía | |
|---|---|
| Nacemento | 11 de febreiro de 1997 (27 anos) Las Piñas, Filipinas |
| Educación | Ateneo de Manila University (en)  |
| Actividade | |
| Ocupación | futbolista |
| Deporte | fútbol |
| Posición de xogo | Dianteiro |
Traxectoria
editarComezos
editarNaceu no seo dunha familia moi vencellada ao deporte, sendo fillo do antigo xogador profesional de baloncesto Jayvee Gayoso e da xogadora de voleibol Jinggay Antonio-Gayoso, neto do xogador de baloncesto Poch Gayoso e do futbolista e xogador de baloncesto Edgardo Ocampo e sobriño do tamén futbolista Alvin Ocampo.[2]
Xogou ao baloncesto na súa mocidade, pero finalmente decidiu centrarse no fútbol, deporte que comezou a practicar aos 4 anos.[3] Mentres estudaba no instituto Ateneo de Manila xogaba ao fútbol e practicaba atletismo, chegando a lograr medallas de ouro nas probas de 200 metros, 400 metros, salto de altura e salto de lonxitude.[2]
Xa na Asociación Atlética Universitaria de Filipinas (UAAP), xogou no equipo senior de fútbol da Universidade Ateneo de Manila, debutando en 2016. O Ateneo quedou terceiro na eliminatoria e despois perdeu na final ante a Universidade de Filipinas.[2] Gayoso foi recoñecido como o máximo goleador da tempada con 11 goles xunto con Paolo Salenga da Universidade Nacional.[3]
Na seguinte campaña, contribuíu ao título de liga do Ateneo, marcando o único gol do partido. Finalmente foi nomeado mellor dianteiro e MVP da tempada. Na tempada 2018 volveu ser galardoado como mellor dianteiro da UAAP, repetindo outra vez na 2019.
ADT
editarPara a tempada 2020 deixou o deporte universitario e fichou polo Azkals Development Team (ADT) da Liga de Fútbol de Fililpinas (PFL), máxima categoría do país.[4] A pesar de que ata entón xogara como dianteiro, no ADT o adestrador Scott Cooper colocouno na defensa. Debutou co primeiro equipo na PFL o 28 de outubro, nunha derrota por 1-0 ante o United City.
Axiña comezou a destacar e en novembro de 2020 viaxou a Tailandia para fichar polo Muangthong United da Thai League 1, pero a operación non chegou a completarse.[5][6]
Cesión ao Kaya–Iloilo
editarEn xuño de 2021 foi cedido ao Kaya–Iloilo.[7][8] Debutou o 26 de xuño, no primeiro partido da fase de grupos da Liga de Campións da AFC, unha derrota por 4-1 ante o BG Pathum United.[9]
Copa Paulino Alcántara 2021
editarDe regreso no ADT, disputou a fase de grupos da Copa Paulino Alcántara de 2021, marcando cinco goles na goleada por 9-0 sobre Mendiola, converténdose no futbolista con máis goles nun mesmo partido na historia da competición.[10] Tamén marcou nas semifinais contra Stallion Laguna, pero sufriu unha lesión nun tendón, o que lle fixo perder a final, na que o seu equipo caeu ante o Kaya.[11][12] Con todo, os seus seis goles valéronlle o premio da Bota de Ouro do torneo.[13]
Kaya–Iloilo
editarO 8 de febreiro de 2022, o Kaya–Iloilo anunciou a fichaxe de Gayoso.[14] Co club de Visayas Occidental gañou dous títulos de liga (2023-24 e 2024), sendo o máximo goleador na segunda das tempadas, con 23 goles. Conquistou tamén a Copa Paulino Alcántara de 2023, tras derrotar na final ao Davao Aguilas.[15]
Phnom Penh Crown
editarEn xullo de 2024 fichou polo Phnom Penh Crown de Camboxa.[16]
Selección nacional
editarTras ser internacional nas categorías inferiores, debutou coa selección filipina absoluta en novembro de 2017, no Torneo Internacional CTFA en Taiwán, ante Laos.[17]
Notas
editar- ↑ "JAVIER AUGUSTINE OCAMPO GAYOSO". stats.the-afc.com (en inglés). Consultado o 2 de xaneiro de 2025.
- ↑ 2,0 2,1 2,2 "Jarvey Gayoso: The Rising Son" (en inglés). 10 de xaneiro de 2017. Consultado o 2 de xaneiro de 2025.
- ↑ 3,0 3,1 "Jarvey Gayoso strays from dad Jayvee's sport, makes own mark in football" (en inglés). 16 de maio de 2016. Consultado o 2 de xaneiro de 2025.
- ↑ "Jarvey Gayoso reflects on leaving Ateneo, the Azkals and the next stage of his career" (en inglés). 7 de febreiro de 2020. Consultado o 2 de xaneiro de 2025.
- ↑ "Azkals Development Team star Jarvey Gayoso close to signing with Thai club". ESPN (en inglés). 5 de decembro de 2020. Consultado o 2 de xaneiro de 2025.
- ↑ "2 de xaneiro de 2025" (en inglés). 13 de xuño de 2021. Consultado o 2 de xaneiro de 2025.
- ↑ "Kaya FC-Iloilo signs up rising strike star Jarvey Gayoso" (en inglés). 13 de xuño de 2021. Consultado o 2 de xaneiro de 2025.
- ↑ "Azkals standout Jarvey Gayoso signs with Kaya-Iloilo" (en inglés). 13 de xuño de 2021. Consultado o 2 de xaneiro de 2025.
- ↑ "Angeles strikes late as Kaya-Iloilo suffers rude ACL welcome vs BGPU" (en inglés). 26 de xuño de 2021. Consultado o 2 de xaneiro de 2025.
- ↑ "Gayoso eyes Cup glory" (en inglés). Consultado o 2 de xaneiro de 2025.
- ↑ "Gallantes strikes in extra time vs Stallion, lifts ADT to Copa Alcantara final" (en inglés). 16 de novembro de 2021. Consultado o 2 de xaneiro de 2025.
- ↑ "Azkals Development Team, Kaya-Iloilo clash for Copa Paulino Alcantara crown" (en inglés). 17 de novembro de 2021. Consultado o 2 de xaneiro de 2025.
- ↑ "Kaya-Iloilo wins Copa Paulino Alcantara title" (en inglés). 19 de novembro de 2021. Consultado o 2 de xaneiro de 2025.
- ↑ "Football: Jarvey Gayoso back with Kaya FC-Iloilo" (en inglés). 8 de febreiro de 2022. Consultado o 2 de xaneiro de 2025.
- ↑ "Gayoso repays Kaya FC-Iloilo trust" (en inglés). 8 de xuño de 2021. Consultado o 2 de xaneiro de 2025.
- ↑ "Phnom Penh Crown secures Jarvey Gayoso" (en inglés). 11 de xuño de 2024. Consultado o 2 de xaneiro de 2025.
- ↑ "Gayoso receives his first senior Philippine Azkals call-up" (en inglés). 30 de novembro de 2017. Consultado o 2 de xaneiro de 2025.