Igrexa de Havdhem

A igrexa de Havdhem (sueco: Havdhems kyrka) é unha igrexa medieval luterana en Havdhem, na illa sueca de Gotland, pertencente á diocese de Visby.

Igrexa de Havdhem
Datos xerais
País	Suecia
Rexión	Gotland
Localización	Havdhem
Coordenadas	57°09′45″N 18°19′24″L
Culto
Culto	Igrexa de Suecia
Diocese	Diocese de Visby
[ editar datos en Wikidata ]

Historia e arquitectura

Aínda que as partes máis antigas da igrexa de Havdhem están datadas da primeira metade do século XII, no seu cemiterio descubríronse tumbas do período da chegada da cristiandade a Gotland no século XI. O coro é a parte máis vella do edificio, que garda semellanza co das igrexas de Garde e Källunge. Porén, o portal do coro é posterior, do século XIII. A nave data de ao redor do ano 1300 pero orixinalmente era pequena. Probablemente foi agrandada en 1580 tras un incendio que destruíu a igrexa. A ábsida foi engadida ao coro máis ou menos na mesma época da construción da nave. Ten semellanzas co dunha das igrexas en ruínas de Visby, St. Drotten. A torre é de mediados do século XIII e orixinalmente era un pouco máis alta. Substituíu a unha torre anterior máis pequena.

Internamente a ábsida conserva uns poucos fragmentos de frescos que amosan influencias bizantinas. O retablo data do ano 1667 e o púlpito de 1679, mentres que a pía bautismal é de 1685. A súa cruz triunfal é un traballo realizado no século XV.

Galería de imaxes

• 
  Cruz triunfal
• 
  Portal sur da nave
• 
  Pía bautismal