Ignacio Vieitez Tapia

Ignacio Vieitez Tapia, nado en Sela (Arbo) o 28 de agosto de 1817 e finado en Madrid o 25 de febreiro de 1882, foi un político galego.

Ignacio Vieitez Tapia

Biografía
Nacemento	28 de agosto de 1817 Sela, España
Morte	25 de febreiro de 1882 (64 anos) Madrid, España
Actividade
Ocupación	político

Traxectoria

Fillo de José Miguel Vieitez de Puga, señor do pazo de Sela, onde naceu. Estudou Dereito na Universidade de Santiago de Compostela. Foi xuíz de Ribadavia, xefe de negociado no Ministerio de Graza e Xustiza, maxistrado da Audiencia de Zaragoza, presidente de Sala das Canarias, Valladolid, A Coruña, Oviedo e Burgos, maxistrado da Audiencia de Madrid e presidente da Sala segunda do Tribunal Supremo de Xustiza. Foi elixido deputado provincial na Deputación de Pontevedra e deputado a Cortes polo distrito de Ponteareas en 1850. Foi senador pola provincia de Ourense en 1876 e por Pontevedra entre 1877 e 1881.

Vida persoal

Casou con Luísa Penedo Fernández e foi pai de José e Ignacio Vieitez Penedo.

Véxase tamén

Ligazóns externas

• Ficha no Congreso dos Deputados Arquivado 24 de setembro de 2015 en Wayback Machine.
• Ficha no Senado