Hugo Fernández
Hugo Daniel Fernández Vallejo, nado en Montevideo o 2 de febreiro de 1945 e finado en Puebla de Zaragoza o 1 de agosto de 2022,[1] foi un futbolista e adestrador uruguaio, que xogaba como lateral dereito.
 (2022)  | |||||||||||||||||||||||||||||||||||||||||||||||||||||||||||||||||||||||
| Nome orixinal | Hugo Daniel Fernández Vallejo | ||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Biografía | |||||||||||||||||||||||||||||||||||||||||||||||||||||||||||||||||||||||
| Nacemento | 2 de febreiro de 1945 Montevideo, Uruguai | ||||||||||||||||||||||||||||||||||||||||||||||||||||||||||||||||||||||
| Morte | 1 de agosto de 2022 (77 anos) Puebla de Zaragoza, México | ||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||
| Ocupación | futbolista, adestrador de fútbol | ||||||||||||||||||||||||||||||||||||||||||||||||||||||||||||||||||||||
| Período de actividade | 1961 - | ||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||
Traxectoria
editarComezou a súa carreira no Nacional, co que debutou en partido oficial en decembro de 1965, nunha derrota por 0-1 ante o Danubio no estadio Centenario.[2] Ao ano seguinte conquistou o seu primeiro campionato uruguaio. A continuación pasou polo Racing de Montevideo, Gimnasia y Esgrima, Cerro e Defensor, antes de recalar no máximo rival do seu primeiro club, o Peñarol, no que militou tres anos, gañando dous novos campionatos de liga (en 1974 e 1975).[3] Conquistou tamén co equipo negro e amarelo a 29ª edición do Trofeo Teresa Herrera en Riazor, onde foi expulsado xunto a Cruyff nas semifinais contra o Barcelona, por unha lea entre ambos.
En xullo de 1975 desembarcou no fútbol español, fichando polo Tenerife, de Segunda División, onde coincidiu cos tamén uruguaios Montero Castillo, Ferreira e Kraus.[4] Debutou co equipo de Felipe Mesones na primeira xornada da tempada 1975/76 e foi titular durante 36 dos 38 partidos de liga, formando parella de centrais xunto ao histórico Molina.[4] Continuou sendo un alicerce da defensa durante a seguinte campaña, acompañado habitualmente por Julio Durán, pero o seu contrato foi rescindido a comezos da campaña 1977/78, por motivos económicos.[4]
Acto seguido regresou a América e xogou dous anos no Puebla mexicano, antes de volver ao Peñarol, co que gañou o seu cuarto campionato uruguaio en 1981.[5] Pechou a súa carreira no Atlas mexicano en 1981.
Trala súa retirada iniciou en Peñarol a súa carreira como adestrador, carreira que se desenvolveu principalmente en México, onde pasou polos bancos de Puebla (en tres etapas), Tigres, Tampico Madero, Irapuato, Veracruz, Lobos de la BUAP e Dorados de Sinaloa. Tamén dirixiu ao Nacional de Montevideo e ao Toshiba do Xapón.[4]
Palmarés
editarComo futbolista
editar- Nacional
- Primeira División (1): 1966.
- Peñarol
- Primeira División (3): 1974, 1975, 1981.
Como adestrador
editar- Dorados de Sinaloa
- Torneo Clausura de Ascenso (1): 2007.
Notas
editar- ↑ "LIGA MX: Fallece Hugo Fernández, ex jugador de Puebla" (en castelán). 1 de agosto de 2022. Consultado o 19 de agosto de 2022.
- ↑ "Nacional - Danubio 1965". atilio.uy (en castelán). Consultado o 19 de agosto de 2022.
- ↑ "Falleció Hugo Fernández, exjugador y DT de Nacional y Peñarol" (en castelán). 1 de agosto de 2022. Consultado o 19 de agosto de 2022.
- ↑ 4,0 4,1 4,2 4,3 "Fallece Hugo Fernández, recordado jugador del CD Tenerife en los años setenta". eldiario.es (en castelán). 2 de agosto de 2022. Consultado o 19 de agosto de 2022.
- ↑ "Nombran a Hugo Fernández técnico del Puebla" (en castelán). Arquivado dende o orixinal o 04 de marzo de 2016. Consultado o 19 de agosto de 2022.
Véxase tamén
editarLigazóns externas
editar- Datos do xogador co Club Nacional (en castelán).