Helen Fielding

Helen Fielding, nada en Yorkshire o 19 de febreiro de 1958, é unha escritora inglesa, coñecida sobre todo pola súa obra Bridget Jones's Diary que no 2001 foi levada ao cine.

Helen Fielding

(2009)
Biografía
Nacemento	19 de febreiro de 1958 (66 anos) Morley, Reino Unido (pt)
Educación	St Anne's College (en)
Actividade
Campo de traballo	Escrita creativa e profesional, xornalismo, Prosa e xornalismo de opinión
Ocupación	escritora, guionista, novelista, xornalista, xornalista de opinión
Período de actividade	1994 -
Obra
Obras destacables (1996) Bridget Jones's Diary
Familia
Parella	Kevin Curran
Descrito pola fonte	Obálky knih,

Traxectoria

Estudou Literatura inglesa na Universidade de Oxford e empezou a traballar na BBC. A súa primeira novela foi Cause Celeb, unha obra baseada nas súas vivencias periodísticas en África.

Acadou a fama ao publicar na prensa británica unha columna diaria sobre unha muller de trinta anos, chamada Bridget Jones, que vive soa en Londres e traballa nunha editorial. En 1996 publicou a novela Bridget Jones's Diary, que relataba un ano na vida deste personaxe. Obtivo o premio British Book Award e chegou a ser un dos fenómenos literarios da década de 1990, tanto pola exitosa vida editorial (pois a novela logrou unhas vendas millonarias) como pola fama que lle deu a película. A novela foi levada á gran pantalla con Renée Zellweger no papel de Jones, acompañada de Colin Firth e Hugh Grant. Fielding escribiu unha segunda novela con este mesmo personaxe: Bridget Jones: The Edge of Reason.

Véxase tamén

Ligazóns externas

• BridgetArchive.AlterVista.org (arquivo de Bridget Jones).
• Helen Fielding profile and articles at The Guardian