Gumersindo Pereira Nouche
Gumersindo Pereira Nouche, nado en Nemenzo de Arriba (Nemenzo, Concello da Enfesta) cara a 1892 e finado na Coruña o 25 de abril de 1939,[1] foi un empresario e político galego.
| Biografía | |
|---|---|
| Nacemento | 1892  Nemenzo, España |
| Morte | 25 de abril de 1939 (46/47 anos) A Coruña, España |
| Actividade | |
| Ocupación | empresario, político |
Traxectoria
editarEmigrou a Cuba. Retornou a principios dos anos vinte e fixou a súa residencia na Coruña. Foi empresario cinematográfico, xestionou o cine Rosalía da Coruña e outras salas como Salón Doré, Salón Victoria, Ideal Cinema e Cine Monelos. Fora da Coruña foi empresario do Cine Rialto do Burgo (Culleredo), o Salón Troche de Ordes e o Cine Capitol de Santa Cruz (Oleiros). Tamén foi dono do Gran Café-Bar Central da Coruña. Foi membro da Irmandade da Fala da Coruña e formou parte da Xunta Directiva do coro coruñés Cántigas da Terra. Pertenceu á loxa masónica coruñesa Pensamiento y Acción nº 11. Foi socio do Casino Republicano da Coruña e do Centro de Estudios Sociales Germinal. Afiliouse a Izquierda Republicana. Co golpe de Estado do 18 de xullo de 1936 non chegou a ser detido.
Vida persoal
editarCasou con María Luisa Ruíz Carreras e foi pai de Luis, Gumersindo, María Esther e Berta.
Notas
editar- ↑ La Voz de Galicia, 26-4-1939, p. 4.
Véxase tamén
editarLigazóns externas
editar- Un home das irmandades da fala: Gumersindo Pereira Nouche (I) Arquivado 18 de febreiro de 2021 en Wayback Machine.
- Un home das irmandades da fala: Gumersindo Pereira Nouche (II) Arquivado 01 de febreiro de 2021 en Wayback Machine.