Guillermo Fernández Vara

Guillermo Fernández Vara, nado en Olivenza o 6 de outubro de 1958, é un médico e político socialista español que é presidente de Estremadura, primeiro entre 2007 e 2011 e de novo dende o 7 de xuño de 2015.

Guillermo Fernández Vara

(2011)
Biografía
Nacemento	6 de outubro de 1958 (66 anos) Olivenza, España
Presidente de Estremadura
4 de xullo de 2015 – 17 de xullo de 2023 ← José Antonio Monago Terraza – María Guardiola →
Presidente de Estremadura
29 de xuño de 2007 – 7 de xullo de 2011 ← Juan Carlos Rodríguez Ibarra – José Antonio Monago Terraza →
Deputado da Asemblea de Estremadura
Circunscrición electoral: Badaxoz
Datos persoais
Educación	Universidade de Córdoba Universidade de Estremadura College of San Jose, Villafranca de los Barros (en)
Actividade
Ocupación	político, profesor universitario, forense
Empregador	Universidade de Valencia Universidade de Estremadura
Partido político	Partido Socialista Obrero Español (1988–)
Premios
(2008)  Gran Cruz de la Orden Civil de Sanidad  Orde de San Raimundo de Peñafort

Traxectoria

Fillo dun xuíz destinado en Olivenza e dunha oliventina, estudou nun centro dos xesuítas de Villafranca de los Barros EXB, Bacharelato e COU, pasando logo a estudar medicina na Universidade de Córdoba ata se licenciar en 1983 e tres anos despois ingresou por oposición no Corpo Nacional de Médicos Forenses, foi profesor colaborador de medicina legal na Universidade de Valencia (1986-1987) . En 1988 logrou a praza de médico forense con destino en Estremadura, asumindo tamén o posto de profesor asociado na Universidade de Estremadura, e nesa época entrou a militar no PSOE, asumindo postos públicos desde mediados da década de 1990, foi director xeral de saúde pública e consumo (1995-1996), conselleiro de Benestar Social (1996-1999), conselleiro de Sanidade e Consumo (1999-2007) e desde 2003 deputado na asemblea estremeña pola provincia de Badaxoz. No ano 2007 acadou a presidencia da Xunta de Estremadura. Trala negativa de Juan Carlos Rodríguez Ibarra de ser de novo candidato á Presidencia da Xunta de Estremadura, o día 20 de setembro a Comisión Executiva Rexional do PSOE aclama por unanimidade a Fernández Vara como candidato á presidencia nas eleccións de 2007, que gañou o PSOE por maioría absoluta, co 52% dos votos e 25 puntos por riba do PP o que levou á investidura de Fernández Vara como presidente da Xunta de Estremadura o 27 de xuño de 2007. Nas eleccións de 2011 repetiu como candidato á presidencia estremeña, quedando o seu partido en segundo lugar tras o PP, a abstención de Izquierda Unida fixo posible que o candidato popular José Antonio Monago lograse a presidencia da Xunta de Estremadura, mantendo Fernández Vara a secretaria xeral do PSOE estremeño e sendo de novo candidato polo PSOE á presidencia nas eleccións de 2005.