Guerra Grande
Guerra Grande é o nome polo que hoxe é coñecido o conflito que se produciu na área do Río de la Plata entre o 10 de marzo de 1839 e o 8 de outubro de 1851. Os belixerantes foron os brancos do Uruguai, encabezados por Manuel Oribe, aliados dos federais arxentinos, liderados entón por Juan Manuel de Rosas, enfrontados aos colorados, aliados dos unitarios arxentinos. O conflito transcendeu amplamente a colectividade propia das repúblicas platenses e contou coa intervención, diplomática e militar, do Imperio do Brasil, Francia e Gran Bretaña, amais da participación de forzas estranxeiras (italianos de Giuseppe Garibaldi, españois, franceses) algunhas das cales actuaron en condición de mercenarias.
| Guerra Grande | |
|---|---|
 | |
| Tipo | guerra civil  |
| Data | 10 de marzo de 1839 ╴8 de outubro de 1851 |
| Resultado | Vitoria do Ejército Grande |
| Localización | Uruguai |
| [ Wikidata ] | |
