Ficheiro:Poema manuscrito de Rosalía.jpg

6/

-Poida… mais â tua bodega
Dime cando chegaremos.
Teño un-ha sede dos deños,
e a mais penso que lostrega
-O qu’ay, meu compañeiriño
Non son lostrégos nin rollos.
E que tes lume nos ollos
E a gorxa pídeche viño.
Ey… mobe eses pes lixeiro
Qu’estamos o pe da pipa.
E bebe, que di Filipa
Qu’a sede abolve o calleiro.
-Jeem … Dio lo pague qu’e forte.
Bebin canto me botache
Tes un viño que … carache,
Fai rasucital a morte:
-¡E logo si? Ña, que deño!...
Nin o d’un padre Benito.
-E bon! mais o dito dito.
Inda e millor o qu’eu teño
-Compadre … non digas tal
Si queres ser meu amigo.
-Pois vas a volver comigo.
A ver si minto catral …
-Que volver nin que cachopa …
Mais po la tema … volvamos.
Vere(re)mos en que quedamos
An qu’estou coma un-ha sopa
..................................................
(vuelta)

E indo e vindo no camiño,
Tanto os compadres bebeno,
Que nunca en xamás volveno
A probar auga nin viño.
C'o ventre cum'unha uva,
Tras de tanta e tanta proba,
Leváronos para a cova
Dend'o mesmo pé da cuba.