Fernando Zunzunegui

Fernando Zunzunegui Rodríguez, nado en Vigo o 5 de outubro de 1943 e finado en Madrid o 28 de agosto de 2014, foi un futbolista galego que xogaba na demarcación de defensa.

Fernando Zunzunegui

Biografía
Nacemento	5 de outubro de 1943 Vigo, España
Morte	28 de agosto de 2014 (70 anos) Madrid, España
Actividade
Ocupación	futbolista
Período de actividade	1962 - 1974
Deporte	fútbol
Posición de xogo	Defensa
Traxectoria   Equipo 1962–1963   Celta Fortuna 1963–1965   Celta de Vigo 55 (3) 1965–1973   Real Madrid CF 76 (4) 1973–1976   Levante UD 24 (0)   Selección nacional 1962–1962   España sub-18 2 (0)

Traxectoria

Comezou a xogar no equipo xuvenil do Chao, pasando rapidamente ao Celta de Vigo. Nun primeiro momento foi cedido ao Turista, porén o xa internacional xuvenil foi repescado tendo aínda tempo a debutar co primeiro equipo esa mesma tempada. Pronto se fixo cun posto na defensa titular. A tempada 1964-1965 foi o seu ano máis completo no Celta pero tamén o último

Rematada a tempada comezaron a chegar ofertas polo defensa vigués, fichando finalmente polo Real Madrid o 17 de xuño de 1965 a cambio de millón e medio de pesetas e as cesións de Pedrito, Lavandera e Roberto. No equipo madrileño xogou durante seis tempadas en varias posicións, disputando un total de 76 encontros. A pesar da súa boa traxectoria sempre se lle recordará o autogol que anotou na final da Copa de 1968 que deu a vitoria ao FC Barcelona por 1-0.

No ano 1973 e despois de enfrontamentos co adestrador Miguel Muñoz marchou para o Levante UD a xogar en Segunda División.

Palmarés

• 4 Ligas co Real Madrid: 1967, 1968, 1969 e 1972
• 1 Copa do Rei co Real Madrid en 1970

Véxase tamén

Ligazóns externas

• Marcos L. Bacariza (30 de setembro de 2009). "Zunzunegui". Yo jugué en el Celta (en castelán).