Federación de Librarías de Galicia

A Federación de Librarías de Galicia constituíuse o 29 de outubro de 1977 como unha asociación integrada polos libreiros con establecemento aberto en Galicia.

Federación de Librarías de Galicia
Tipo	asociación
Data de fundación	29 de outubro de 1977
Sede	Santiago de Compostela
País	Galicia
Na rede
https://librarias.org/
[ editar datos en Wikidata ]

A Federación de Librarías de Galicia organiza as feiras do libro (coma esta en Vigo en 2016) e as feiras do libro antigo e de ocasión, en varias vilas de Galicia.

Integrada actualmente por máis de 145 librarías de toda Galicia, leva máis de 45 anos traballando pola defensa dos intereses comúns do sector, e fomentar o crecemento do número de lectores con diversas campañas.

Descrición

O obxectivo da asociación é promover e defender os intereses colectivos do sector libreiro. A Federación organiza e colabora na organización de actividades culturais, recreativas ou sociais, como os Premios Follas Novas. Ademais, participa activamente en datas especiais para o fomento da lectura: o Día das Letras Galegas, o Día do Libro, e Día Internacional do Libro Infantil e Xuvenil.

Ten a súa sede na Cidade da Cultura, en Santiago de Compostela.

A composición da xunta directiva, dende decembro de 2023, é a seguinte:

• Presidenta: Cielo Fernández (Librería Bahía, Foz).
• Vicepresidente: Óscar Porral (Libraría Bandini, Bertamiráns).
• Secretaria: Celia Fernández (Librería Espazo Lector Nobel, Ourense).
• Tesoureiro: Jacobo Rodríguez Agrasar (Librería Agrasar, Monforte de Lemos).
• Contadora: Patricia Porto (Libraría Lila de Lilith, Santiago de Compostela).

Véxase tamén

Ligazóns externas

• Páxina web da Federación