Facultade de Matemáticas de Santiago de Compostela

Facultade de Matemáticas de Santiago de Compostela
[[Ficheiro:|200px]]
Universidade:	Universidade de Santiago de Compostela
Localización:	Santiago de Compostela
Campus:	Santiago de Compostela
Enderezo:	{{{enderezo}}}
Ano de fundación:	1957
Decano:	Elena Vázquez Cendón
Docentes:	25
Estudantes:	300
Teléfono:	881 81 32 19
Correo electrónico:
Páxina web:	Web oficial

A Facultade de Matemáticas forma parte da Universidade de Santiago de Compostela (USC) e está situada na avenida Lope Gómez de Marzoa, no campus sur de Santiago de Compostela. É a única que hai en Galicia.

Historia

Placa do 50 aniversario da Licenciatura de Matemáticas na USC.

A licenciatura en matemáticas iniciouse na Universidade de Santiago de Compostela no curso 1957-58. A pesar de que a Facultade de Matemáticas se instituíu en 1977, con Enrique Vidal Abascal como primeiro decano, a súa sede continuou na Facultade de Ciencias (hoxe Facultade de Química). En 1983, trasladouse á súa localización actual, un edificio obra do arquitecto Andrés Fernández-Albalat. Coa entrada en vigor da Lei de Reforma Universitaria no curso 1985/1986, a Facultade divídese nos departamentos de Álxebra, Análise Matemática, Estatística e Investigación Operativa, Matemática Aplicada e Xeometría e Topoloxía.

Dende o curso 2008/2009 impártese neste centro o Grao en Matemáticas, ao que se engadiron no curso 2015/2016 os dobres graos en Enxeñaría Informática e en Matemáticas e en Matemáticas e en Física.

Funtor de Breogán é o equipo da Universidade de Santiago de Compostela na Liga Matemática.

Estudos

Graos

• Grao en Matemáticas
• Dobre grao en Enxeñería Informática e en Matemáticas
• Dobre grao en Matemáticas e Física

Másters

• Máster en Matemáticas
• Máster en Matemática Industrial
• Máster en Técnicas Estatísticas

Véxase tamén

Outros artigos

• Universidade de Santiago de Compostela