Emilio Aragón Álvarez

Emilio Tomás Aragón Álvarez, máis coñecido como Emilio Aragón e ao principio da súa carreira como Milikito, nado na Habana, Cuba o 16 de abril de 1959, é un humorista, actor, músico, presentador, director de cine, guionista, compositor e empresario audiovisual español. Foi o presidente honorífico da cadea de televisión La Sexta. É fillo do famoso pallaso español Emilio Aragón Bermúdez, máis coñecido como Miliki (1929-2012).

Emilio Aragón Álvarez

Biografía
Nacemento	16 de abril de 1959 (65 anos) A Habana, Cuba
Actividade
Ocupación	director de cinema, presentador de televisión, guionista, produtor de cinema, presentador, compositor, actor, Pallaso
Período de actividade	1977 -
Familia
Familia	Family Aragón (en)
Pai	Emilio Aragón Bermúdez
Irmáns	Rita Irasema
Sitio web	emilioaragon.com

Traxectoria

Pertencente á saga da Familia Aragón, é fillo de Emilio Aragón Bermúdez (Miliki) e de Rita Violeta Álvarez.

Comezou a súa carreira no programa El gran circo de TVE en 1977, co nome de Milikito, xunto ao seu pai, ao seu tío Gabriel Aragón Bermúdez Gaby, e ao seu primo Alfonso Aragón Sac Fofito. En 1981 abandona este programa que fora bautizado popularmente como Os pallasos da tele e dous anos máis tarde presenta na tempada 1983-1984 de Televisión Española o espazo Ni en vivo ni en directo que baseaba o seu contido en sketchs de humor. Máis tarde, en setembro de 1984 estreou en Madrid o musical Barnum, creado por Mark Bramble,Cy Coleman e Michael Stewart, e do que foi produtor executivo, protagonista e responsable das letras en castelán.

Alcanzou gran popularidade na metade da década dos 80 como presentador. Nesta época encargouse do programa Saque Bola de Canal Sur acompañado de José María Fraguas. Por este traballo obtivo o TP de Ouro ao personaxe máis popular de Canal Sur. Pero o seu salto á fama chegou co programa VIP en Telecinco, un concurso vespertino que dirixiu de luns a venres xunto ao realizador Daniel Écija e coa colaboración na presentación de Belén Rueda. O espazo obtivo unha boa aceptación e froito dela pronto se abordou a súa versión infantil, VIP Guay para os sábados copresentada por Ana Chávarri, e VIP Noite. Será neste último onde, debido á súa mestura de concurso e gala, adquiriu a súa imaxe máis lembrada daqueles anos co seu esmoquin acompañado de zapatillas deportivas, así como a súa palabra máis emblemática: "Dabuten". Estaba acompañado tamén pola cantante mexicana Thalía e as integrantes do grupo feminino Cacao Maravillao. Tamén fixo un pequeno cameo no filme de Martes y Trece El robobo de la jojoya en 1991.

En 1992 o por entón presidente do Grupo Zeta Antonio Asensio faise co control de Antena 3 e acomete unha importante renovación de todo o seu persoal. Tras La Regala, programa especial de Nadal gravado no Palau de Sant Jordi ante 15 000 persoas Emilio Aragón e o seu equipo foi a súa fichaxe máis recoñecible, e tras outorgarlle a dirección do espazo Noche, noche, na tempada 1993-1994 foi posto á fronte de El gran juego de la oca, que se converteu no seu maior éxito na cadea. Por estas datas e en compaña da súa man dereita, o xa mencionado Daniel Écija, funda en 1993 a produtora Globomedia que concibiu ou adaptou para España programas como ¡Que me dices!, Caiga Quien Caiga ou El Club de la Comedia, ou series como Compañeros ou posteriormente 7 vidas, Aída, Los hombres de Paco e moitas máis.

En 1995 e tras un tempo no estranxeiro volve a Telecinco cun proxecto de serie familiar que ao cabo se traduciría no seu papel protagonista máis lembrado e recoñecido polo público: Médico de familia, que permaneceu en antena até decembro de 1999. Na mesma, e á marxe da súa faceta de produtor, encarnaba o personaxe principal: Nacho Martín. Tras esta aposta, mantivo na mesma cadea entre 2002 e 2003 tres tempadas da produción Javier ya no vive solo na que interpretaba un corentón solteiro que se facía cargo das súas sobriñas, aínda que non conseguiu revalidar o éxito do seu anterior formato. Finalmente en 2004 volveu probar sorte en Antena 3 con Casi perfectos, aínda que os malos resultados de audiencia levaron á cadea a cancelar a súa emisión tras unha segunda tempada pobre en resultados.

Desde 2006 é presidente honorífico da cadea de televisión LaSexta da que Globomedia posúe unha parte importante da súa participación. Nela presentou o programa de improvisación Los irrepetibles de Amstel e adquiriu o alcume cariñoso de "El señor de La Sexta" outorgado polo programa Sé lo que hicisteis.... Entre medias dirixiu en 2009 o seu primeiro filme, Pájaros de papel con Imanol Arias, Lluís Homar e Carmen Machi. En 2012 viaxa a Estados Unidos para dirixir a Robert Duvall no filme A Night in Old Mexico, que se estreou en maio de 2014.

Outras das súas facetas foron as de intérprete de álbums musicais de corte desenfadado como Te huelen los pies, posúe o título de piloto, e forma parte de asociacións de fins solidarios como Acción Contra el Hambre (da que é vicepresidente), Intermón Oxfam, o Comité Drogas No e a Fundación Dales la Palabra. Tamén forma parte do proxecto "No Hunger" que pretende convencer a Al Gore para que o seu próximo documental estea dirixido contra a desnutrición debido ao gran calado social do seu An Inconvenient Truth.

Vida persoal

Fillo do pallaso Emilio Aragón Bermúdez e unha cubana, Rita Violeta Álvarez Fernández. Ten tres irmáns, Rita Irasema, unha cantante e presentadora, María del Pilar, unha empresaria de Globomedia e María Amparo unha escenógrafa de El Gran Juego de la Oca e de Médico de familia. Emilio casou en Asturias o 19 de agosto de 1983 con Aruca Fernández-Veiga Feijoó, pertencente a unha longa saga de prestixiosos oftalmólogos, teñen tres fillos: Icíar (1985), Macarena (1988) e Ignacio (1995).

Programas de televisión

Ano	Título	Canle	Notas
1968	El show de las cinco	Canal 8
1977-1981	El gran circo de TVE	TVE
1980	625 líneas	TVE	Invitado xunto a Gaby, Miliki e Fofito
1982	El loco mundo de los payasos	TVE	Programa: 25 de maio de 1982
1982	Tompy, el conejito de trapo	TVE	Especial de televisión
1983-1984	Ni en vivo ni en directo	TVE
1985	Festival OTI de la Canción	TVE	Xunto a Paloma San Basilio
1989	Saque Bola	Canal Sur	Presentador
1990	VIP	Telecinco	Presentador
1990-1992	VIP Noche	Telecinco	Presentador
1990-1991	VIP Guay	Telecinco	Presentador
1993	Noche, noche	Antena 3	Presentador
1993-1994	El gran juego de la oca	Antena 3	Presentador
2002-2003	El Club de la Comedia	Antena 3	Presentador
2006-2007	Los irrepetibles de Amstel	laSexta	Presentador
2016-presente	El Hormiguero	Antena 3	Colaborador

Filmes

Como actor

Ano	Título	Papel	Notas
1987	Policía	Gumersindo 'Gumer'	Protagonista
1991	El robobo de la jojoya	Cliente Asustado	Cameo
1988	Tú y yo	Emilio Fonseca	Directo a VHS

Como director

Ano	Título	Notas
2010	Pájaros de papel	Tamén guionista e compositor
2014	A Night in Old Mexico	Tamén compositor e produtor

Emilio Aragón na rodaxe dun filme

Como produtor

Ano	Título	Notas
2008	Carlitos y el campo de los sueños	Tamén compositor

Series de televisión

Como actor

Ano	Título	Papel	Notas
1995-1999	Médico de familia	Nacho Martín	Papel principal
2002-2003	Javier ya no vive solo	Javier	Papel principal
2004-2005	Casi perfectos	Andrés Costa	Papel principal

Como director

Ano	Título	Notas
2017	Pulsaciones	Tamén guionista

Discografía

• Gaby Miliki Fofito y Milikito "Había una vez un disco" (1977)
• Gaby Miliki Fofito y Milikito "Cómo me pica la nariz" (1979)
• Gaby Miliki Fofito y Milikito "Cantando siempre cantando" (1980)
• Discolandia (1980)
• Te huelen los pies (1991)
• Eso Es Así (1992)
• Atrapado (1993)
• A mis niños de 30 años (1999)
• El Soldadito de Plomo: Conto sinfónico (2004)
• El Soldadet de Plom (versión en catalán) (2005)
• Bach to Cuba (2006)
• Carlitos y el campo de los sueños: Banda sonora orixinal do filme homónimo (2008)
• Pájaros de papel: Banda sonora orixinal do filme Pájaros de papel (2010)
• Longum Vitae Suspirium: Cantata para barítono, coro e orquestra (2011)
• A Night in Old Mexico: Banda sonora orixinal do filme homónimo (2013)

Dobraxe

• Stuart Little e Stuart Little 2: Puxo a voz de Stuart na versión española (na versión orixinal era a voz de Michael J. Fox).

Compositor

• Compuxo a banda sonora do filme A Night in Old Mexico, da que tamén foi director e produtor.
• Compuxo a banda sonora do filme Pájaros de papel, da que tamén foi director, guionista e produtor.
• Compuxo a cantata para barítono, coro e orquestra Longum Vitae Suspirium, a partir dunha selección de textos de José Saramago por encargo da Asociación Española de Orquestas Sinfónicas e a Fundación Autor.
• Compuxo a banda sonora do filme Carlitos y el campo de los sueños, da que tamén foi o seu produtor.
• Compuxo a música do ballet Blancanieves e dirixiu a orquestra.
• Compuxo a música da serie de debuxos animados Esquimales en el Caribe, serie ideada por el.
• Compuxo a música da serie de debuxos animados La aldea del arce.
• Compuxo a música da serie de debuxos animados Noeli (interpretada pola súa irmá, Rita Irasema).
• Compuxo e interpretou a sintonía da serie de televisión 7 vidas.
• Compuxo e interpretou a sintonía da serie de televisión Periodistas.

Espectáculos

• Festival Mundial do Circo (1977)
• Barnum (1984)

Publicidade

• "Puleva" (1992)
• "El Corte Inglés" (1996)
• "Playa y montaña" (2016) (director)

Premios e nomeamentos

Premios Goya

Ano	Categoría	Filme	Resultado
2013	Mellor canción orixinal	"Aquí Sigo", de A Night in Old Mexico	Nomeado
	Mellor música orixinal	A Night in Old Mexico	Nomeado
2010	Mellor dirección novel	Pájaros de papel	Nomeado
	Mellor canción orixinal	"No se puede vivir con un franco", de Pájaros de papel	Nomeado

Antena de Oro

Ano	Categoría	Programa	Resultado
1991	Televisión	VIP Noche	Gañador

Fotogramas de Prata

Ano	Categoría	Programa	Resultado
1997	Mellor Actor de TV	Médico de familia	Nomeado
1996
1995

Premios Ondas

Ano	Categoría	Programa	Resultado
1991	Nacionais de Televisión	VIP Noche	Gañador
1996	Nacionais de Televisión	Médico de familia	Gañador

TP de Ouro

Ano	Categoría	Programa	Resultado
1999	Mellor Actor	Médico de familia	Nomeado
1998
1997	Mellor Actor	Médico de familia	Gañador
1996
1995
1993	Mellor Presentador	El gran juego de la oca e Noche, noche	Gañador
1991	Mellor Presentador	VIP Noche e VIP Guay	Gañador
1990
1989	Personaxe máis popular de Canal Sur	Saque Bola	Gañador

Premios Emmy

Ano	Categoría	Programa	Resultado
1983	Mellor programa de humor	Ni en vivo ni en directo	Finalista

Véxase tamén

Ligazóns externas

• Sitio web de Emilio Aragón
• Entrevista en El Mundo Magazine (22/12/1996).
• Entrevista en XL Semanal (21/2/2010).