El Ángel del Hogar
El Ángel del Hogar foi unha revista editada primeiramente en Pontevedra e despois en Vigo, entre 1894 e 1897.
| El Ángel del Hogar | |
|---|---|
 | |
| País | España |
| Lugar | Pontevedra e Madrid |
| Lingua | lingua castelá e lingua galega |
| Fundación | 1894 |
| Primeira edición | 1894 |
| Descrito por | Enciclopedia Galega Universal, Gran Enciclopedia Galega Silverio Cañada e Diccionario da literatura galega |
| Na rede | |
 | |
| [ editar datos en Wikidata ] | |
Historia e características
editarSubtitulada Revista enciclopédica destinada exclusivamente a la mujer, ciencias, literatura, higiene, modas, labores y conocimientos útiles, apareceu en xuño de 1894. De periodicidade quincenal, estaba dirixida por Sarah Lorenzana e editábase na imprenta de La Unión Republicana de Pontevedra. Entre os colaboradores figuraban Roxelio Lois Estévez, Joaquín Olmedilla, a baronesa de Olivares, María Concepción Jimeno e Javier Valcarce Ocampo. Incluía informacións que contribuían á educación da muller. Empregaba o castelán pero publicou algún poema en galego. En 1896 recibiu a Medalla de Prata e un diploma na Exposición Rexional de Lugo.
En 1896, con motivo do traslado da directora a Vigo, a revista continuou publicándose nesta localidade. Desapareceu probablemente en 1897.
Véxase tamén
editarBibliografía
editar- "Ángel del hogar, El". Enciclopedia Galega Universal. Ir Indo. 1999-2002. ISBN 84-7680-288-9.
- Álvarez Blázquez, José Mª (1980). "La prensa periódica viguesa en el siglo XIX". Vigo en su historia (en castelán). Caja de Ahorros Municipal de Vigo. p. 554. ISBN 84-7231-494-4.
- Otero Llovo, Javier; et al. (2005). "Ángel del Hogar, El". Gran Enciclopedia Galega Silverio Cañada (DVD). El Progreso. ISBN 84-87804-88-8.