Diego Gómez
Diego Gómez Pérez, nado en Amoeiro o 31 de xullo de 2004, é un futbolista galego, que xoga no Deportivo da Coruña, da Segunda División.
| Biografía | |||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 31 de xullo de 2004  (20 anos)Ourense, España | ||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||
Traxectoria
editarComezou a xogar ao fútbol no se Amoeiro natal, sendo o seu primeiro equipo o Santa Teresita de Ourense.[1] Despois de dúas tempadas no Pabellón, en 2019 ingresou na canteira do Deportivo da Coruña.[1] Militou un ano no equipo cadete do club, antes de pasar ao conxunto xuvenil, co que se proclamou campión da División de Honra na campaña da súa estrea.[2] Na 2021/22 disputou a Liga Xuvenil da UEFA e participou no histórico partido da Liga Xuvenil da UEFA ante o Dynamo de Kíiv que congregou a máis de 20.000 seareiros no estadio de Riazor. Na quenda de penaltis anotou o seu lanzamento ao estilo "Panenka", pero o equipo de Manuel Pablo caeu eliminado.[3]
En xaneiro de 2022 debutou co Fabril na Terceira División, nun encontro ante o Noia, e na tempada seguinte xogou xa de xeito habitual co filial, disputando 27 partidos e contribuíndo con 6 goles á consecución do título de Terceira e ao ascenso do equipo á Segunda División RFEF.[2]
O 23 de setembro de 2023 debutou co primeiro equipo do Deportivo da Coruña na Primeira División RFEF, da man do adestrador Imanol Idiakez, na quinta xornada da tempada ante o Cornellà en Riazor.[2] Saltou ao terreo de xogo nos minutos finais, como substituto de Diego Villares, nun partido que rematou 1-1.[4] Só 14 horas despois, xogou como titular co Fabril ante a Arandina e marcou dous dos tres goles do seu equipo, que venceu por 3-2.[5] Anotou dous goles máis nos tres seguintes partidos co Fabril, ata que fracturou o peroné nun encontro ante a Gimnástica de Torrelavega, precisando dunha operación cirúrxica.[6] Reapareceu máis de dous meses despois ante o Ourense e a continuación fíxose coa titularidade ata o final da tempada.
Para a campaña 2024/25 foi cedido ao Arenteiro, que viña de ascender á Primeira Federación.[7] Titular indiscutible no club ourensán ás ordes de Raúl Jardiel, destacou como un dos mellores xogadores do equipo e contribuíu a que este se convertese na revelación da liga, enganchándose aos postos de promoción de ascenso na campaña do seu debut na categoría.[8] As súas boas actuacións no Carballiño propiciaron que fose recuperado no mercado invernal polo Deportivo da Coruña, onde herdou o dorsal número 7 de Lucas Pérez trala mediática marcha deste.[8][9][10]
Palmarés
editar- Fabril
- Deportivo da Coruña
- Primeira Federación (1): 2023/24.
Notas
editar- ↑ 1,0 1,1 Antelo, Iván (15 de xaneiro de 2022). "Así es Diego Gómez: la zurda que guía a la nueva generación del Dépor juvenil". La Voz de Galicia (en castelán). Consultado o 26 de setembro de 2023.
- ↑ 2,0 2,1 2,2 "El ourensano Diego Gómez debutó con el Deportivo". La Voz de Galicia (en castelán). 26 de setembro de 2023. Consultado o 26 de setembro de 2023.
- ↑ "Os penaltis cortan inxustamente o soño de #ANOSACANTEIRA na UEFA Youth League (2-2)". 9 de febreiro de 2022. Consultado o 16 de setembro de 2023.
- ↑ Lema, Jorge (24 de setembro de 2023). "Diego Gómez, la perla que viene: debut con el Depor, doblete en el Fabril". As (en castelán). Consultado o 26 de setembro de 2023.
- ↑ Losada, Víctor (25 de setembro de 2023). "El inolvidable fin de semana de Diego Gómez: Debut con el Dépor y doblete con el Fabril" (en castelán). Consultado o 27 de setembro de 2023.
- ↑ "Diego Gómez, baja tras operarse por una fractura en el peroné" (en castelán). 7 de novembro de 2023. Consultado o 9 de decembro de 2023.
- ↑ "Diego Gómez, cedido ao CD Arenteiro". 23 de xullo de 2024. Consultado o 20 de agosto de 2024.
- ↑ 8,0 8,1 López Bonome, Antón (23 de xaneiro de 2025). "Los números de Diego Gómez en el Arenteiro: una pieza clave que abandona O Carballiño" (en castelán). Consultado o 26 de xaneiro de 2025.
- ↑ "Diego Gómez volve ao Dépor, que incorpora Alberto Sánchez". Nós Diario. 23 de xaneiro de 2025. Consultado o 26 de xaneiro de 2025.
- ↑ Palleiro, Armando (24 de xaneiro de 2025). "Diego Gómez hereda el dorsal 7 de Lucas Pérez". DxT Campeón (en castelán). Consultado o 26 de xaneiro de 2025.
Véxase tamén
editarLigazóns externas
editar- Datos do xogador en LaPreferente (en castelán).