Dennis Scott

Dennis Scott
	;
Biografía
Nacemento	5 de setembro de 1968 (56 anos); Hagerstown, Estados Unidos de América
Educación	Flint Hill School (en) ; Instituto de Tecnoloxía de Xeorxia
Altura	203 cm
Peso	104 kg
Actividade
Ocupación	baloncestista
Período de actividade	1990 - 2000
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala
Convocado por	Orlando Magic
–
Traxectoria

Dennis Eugene Scott, nado o 5 de setembro de 1968 en Hagerstown, Maryland, é un ex xogador de baloncesto estadounidense que xogou durante 10 tempadas na NBA na década dos 90. Con 2,02 metros de altura, xogaba na posición de escolta.

Traxectoria deportiva

Universidade

Xogou durante 3 tempadas cos Yellow Jackets da Universidade de Georgia Tech, cunha brillante traxectoria, sobre todo na súa última campaña, na cal fixo 27,7 puntos e 6,6 rebotes por partdo, levando ao seu equipo á disputa da Final Four da NCAA xunto ao seu compañeiro Kenny Anderson. Gañou o premio ao mellor xogador do ano da ACC, a súa conferencia, facendo que as súas opcións dun bo posto no Draft da NBA aumentasen. No tres anos tivo unha media de 21,4 puntos, 5,3 rebotes e 2,9 asistencias por partido.

Profesional

Foi elixido na cuarta posición do Draft da NBA de 1990 por Orlando Magic, onde rapidamente fíxose co posto de titular, asinando unha gran campaña, con 15,7 puntos e 2,9 rebotes por partido, o que fixo que fose incluído no mellor quinteto de rookies dese ano. Até a chegada de Shaquille O'Neal ao equipo, foi, xunto a Nick Anderson, un dos máximos anotadores do equipo. Gañouse o alcume de 3D pola facilidade anotando tiros de tres puntos, como o demostrou na tempada 1995-96, cando foi o máximo anotador da liga desde máis aló da liña de 3, con 267 canastras conseguidas. Tamén conseguiu o récord da NBA de máis triplas anotadas nun partido, con 11, que anos máis tarde superaría Kobe Bryant con 12.

Tras sete tempadas en Orlando, iniciou unha peregrinación polos equipos da liga, que lle levou a xogar en 5 equipos diferentes durante os seus seguintes tres tempadas, as últimas da súa carreira profesional. Tras dez anos, retirouse cunhas medias de 12,9 puntos e 2,9 rebotes.

Equipos

Logros persoais

Mellor xogador de Instituto do Ano en 1987.
ACC Baloncestista do Ano Masculino en 1990.
Mellor quinteto de rookies en 1991.
Máximo anotador de 3 puntos da NBA en 1996 (267).

Notas

Véxase tamén

Ligazóns externas

Perfil histórico en nba.com
Estatísticas de Dennis Scott Arquivado 13 de agosto de 2013 en Wayback Machine.