David Pallas
David Pallas, nado na Laracha o 1 de xullo de 1980, é un exfutbolista e adestrador galego-suízo. Xogaba como lateral dereito e desenvolveu a maior parte da súa carreira no FC Zürich.[1] Dende 2021 adestra o FC Kosova.
| Biografía | |||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 7 de xullo de 1980  (44 anos)Zürich, Suíza | ||||||||||||||||||||||||||||||||||||||||||||||||||||||
| Altura | 1,69 m. | ||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||
| Liga | Fußball-Bundesliga e 2. Bundesliga | ||||||||||||||||||||||||||||||||||||||||||||||||||||||
| Posición de xogo | Lateral dereito | ||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
Traxectoria
editarNaceu no concello galego da Laracha e criouse en Suíza. Formouse na canteira do FC Zürich, dando o salto ao primeiro equipo en 2001. Durante o mercado invernal da tempada 2004-05, fichou polo FC Thun 1898, co que se clasificou para a Liga de Campións.
Na tempada 2005/06 fichou polo VfL Bochum, da 2. Bundesliga.[2] Disputou 24 encontros de liga, logrando o ascenso á Bundesliga ao remate da tempada. Debutou na máxima categoría do fútbol alemán o 26 de agosto de 2006, nun partido contra o Energie Cottbus no Ruhrstadion.[3] Xogou oito partidos de liga na primeira metade da tempada pero logo acabou por perder o seu sitio no equipo. Ao rematar o seu contrato co club, estivo un tempo sen equipo, ata que fichou polo FC Langenthal, do cantón de Berna. Militou varias tempadas neste club, antes de pechar a súa carreira como futbolista no FC Ibach.
Comezou a súa carreira como adestrador no Ibach na tempada 2014/15, primeiro como xogador-adestrador e logo só como adestrador, ocupando o banco do club ata outubro de 2018.[4] Tras adestrar os xuvenís do FC Wohlen, en abril de 2021 colleu as rendas do FC Kosova de Zürich.[5]
Notas
editar- ↑ "David Pallas". kicker.de (en alemán). Consultado o 8 de xaneiro de 2022.
- ↑ Rodríguez, Maite (4 de outubro de 2005). "David Pallas recala en Alemania tras meter al Thun en la «Champions»". La Voz de Galicia (en castelán). Consultado o 8 de xaneiro de 2022.
- ↑ "VfL Bochum - FC Energie Cottbus". Transfermarkt (en inglés). Consultado o 8 de xaneiro de 2022.
- ↑ "David Pallas nicht mehr Trainer beim FC Ibach" (en alemán). 9 de outubro de 2018. Consultado o 8 de xaneiro de 2022.
- ↑ "David Pallas schliesst sich dem FC Kosova an" (en alemán). 26 de abril de 2021. Consultado o 8 de xaneiro de 2022.
Véxase tamén
editarLigazóns externas
editar- Datos do xogador en Transfermarkt (en inglés).