Daniel López López

Daniel López López, nado na Coruña o 6 de outubro de 1859 e finado en Madrid o 8 de marzo de 1933, foi un xornalista, escritor, tradutor e político galego.

Daniel López López

Biografía
Nacemento	6 de outubro de 1859 A Coruña, España
Morte	8 de marzo de 1933 (73 anos) Madrid, España
Actividade
Ocupación	xornalista, escritor, tradutor, político
Membro de	Real Academia Galega (membro correspondente)
Familia
Irmáns	Anastasio Ramón López

Traxectoria

Emigrou a América sendo mozo, instalándose en Montevideo. Viaxou por América e Europa e estableceuse en Madrid en 1881. En 1887 obtivo a cátedra de lingua inglesa do Instituto de Biscaia. Ao ano seguinte pasou a ser catedrático de inglés da Escola Superior de Comercio en Madrid. Despois desempeñou a cátedra de inglés nos institutos San Isidro e Cardenal Cisneros. Foi secretario e despois vicepresidente da Sección de Ciencias Históricas do Ateneo de Madrid. Amigo de José Canalejas Méndez, militou no Partido Liberal e despois figurou entre os partidarios do conde de Romanones. Nas eleccións a Cortes de 1898 foi elixido deputado polo distrito de Ordes. Volveu ser elixido deputado polo distrito de Ordes nas eleccións de 1901. Despois foi elixido polo distrito da Coruña (1905), Daimiel en Cidade Real (1907), Ferrol (1910), Murcia (1914) e Coruña (1916). Foi senador polas provincias da Coruña (1918) e Guadalaxara (1921), e senador vitalicio (1923). Foi director xeral de Agricultura, Industria e Comercio. Foi redactor xefe e despois director de El Correo e director do Diario Universal.

España en 1492.

Obras

• Política de Felipe II, 1886.
• La revolución francesa.
• Política de Carlos III.
• Los consejeros de Fernando VII.
• Conversaciones políticas.
• España en 1492.

Traducións

• Shakespeare en España.
• Historia de la Revolución de Inglaterra de Lord Macaulay.
• Discursos parlamentarios de Lord Macaulay
• Historia del reinado de Guillermo III de Lord Macaulay.

Véxase tamén

Bibliografía

• "López López, Daniel". Dicionario biográfico de Galicia 2. Ir Indo Edicións. 2010-2011. p. 243. 
• "López y López, Daniel". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Couceiro Freijomil, Antonio (1951-53). Diccionario bio-bibliográfico de escritores (en castelán) II. Bibliófilos Gallegos. p. 309. 

Ligazóns externas

• Ficha no Congreso dos Deputados Arquivado 24 de setembro de 2015 en Wayback Machine.
• Ficha no Senado