Década de -670

Primeiro milenio a. C.

Século -VII

-680   -670   -660

-670  · -669  · -668  · -667  · -666 -665  · -664  · -663  · -662  · -661

679 a.C.

Artigo principal: -679.

• Os cimerios e escitas, conducidos por Teushpa, irrompen ao sur do Taurus, ameazan as gornicións asirias establecidas no Tabal. Os príncipes de Cilicia rebélanse. Asarhadón contraataca, esmaga os cimerios e obriga a Teushpa a se retirar tras a súa vitoria onda as Portas Cilicias. Os escitas e os cimerios vólvense contra o reino de Frixia, que han esnaquizar tres anos máis tarde. Asarhadón fai a paz con eles e dálle a súa filla en matrimonio ao escita Bartatua (Protothyes).
• Asarhadón volve tomar a cidade de Arza no Wadi el-Arish, na fronteira con Exipto.

678 a.C.

Artigo principal: -678.

• Arxeo I convértese en rei de Macedonia (data aproximada).

677 a.C.

Artigo principal: -677.

• Asarhadón, rei de Asiria, couta a rebelión da cidade fenicia de Sidón. O rei desta cidade fenicia, Abdimikutte, perde o trono.

676 a.C.

Artigo principal: -676.

• Expedición militar de Asarhadón, rei de Asiria, en Arabia, para reafirmar o dominio entre as tribos dese país e asegurar as rutas comerciais.
  • Asarhadón asedia e toma a cidade fenicia de Sidón, deportando os seus habitantes.

675 a.C.

Artigo principal: -675.

• Pacto entre o rei Baal da cidade fenicia de Tiro e o rei Asarhaddón de Asiria.
• Sobe ao trono de Urartu o rei Erinen (até -670). Sucede a Rusa II (-680, -675).
• Fraortes tórnase rei de Media (até -653), sucedendo a seu pai Deioces.
• Comeza en Persia o reinado de Teispes (até -640).

674 a.C.

Artigo principal: -674.

• Expedición do rei asirio Asarhadón contra Exipto, para coutar a axuda do monarca dese país aos sublevados en Fenicia, Taharqa, que fracasa.

673 a.C.

Artigo principal: -673.

• Asarhadón, rei de Asiria, asedia a rebelde idade fenicia de Tiro, á volta da campaña fracasada en Exipto.

672 a.C.

Artigo principal: -672.

• Asarhadón, rei de Asiria, debe levantar o asedio ao que sometía desde o ano anterior á cidade fenicia de Tiro.

671 a.C.

Artigo principal: -671.

• Nova campaña de Asarhadón, rei de Asiria. As súas tropas derrotan ao exército exipcio, tomando e saqueando Menfis, a capital. O monarca exipcio, Taharqa (coñecido tamén como Tirakah), refúxiase en Tebas, no Baixo Exipto, rexión á que non chegan os asirios.

670 a.C.

Artigo principal: -670.

• Rusa III sobe ao trono de Urartu (até -646), como sucesor de Erinen (rei desde -675).