Cruceiro da Santísima Trindade
O cruceiro da Santísima Trindade[1] é un cruceiro do século XV situado na vila de Baiona.
| Cruceiro da Santísima Trindade | |
|---|---|
.JPG) Cruceiro da Santísima Trindade | |
| Presentación | |
| Localización | Baiona |
| Coordenadas | 42°07′00″N 8°50′43″O / 42.11673333, -8.84528611 |
| Estilo | gótico |
| Construción | |
| Data da construción | século XV |
Características
editarAtópase sobre unhas rochas, e é un dos poucos de Galicia que está cuberto por un baldaquino. Este é de estilo renacentista en forma de pirámide sostida sobre unhas columnas, rematadas en forma de pináculos cilíndricos con coroa cónica. O cruceiro é de estilo gótico coa imaxe de Xesús Cristo e, ós seus pés, a Virxe María, María Madalena e Santiago o Maior[2].
UNICO DA SUA NATUREZA EN GALICIA
CRUZ GOTICA CON FIGURAS BIBLICAS
POLICROMADAS E BALDAQUIN RENACENTISTA
DE ORIXE FRANCESA
Atópase na calzada romana, posteriormente chamada Estrada Real. Foi realizado en granito, e conta cunha grande lousa de 1,12 m situada a 1 m de altura sobre o piso que servía de altar para celebrar misa en tempos de peste para os habitantes do Val Miñor e para as tripulacións dos navíos fondeados na baía de Baiona.
Galería de imaxes
editar-
-
Policromía. Cristo. -
Virxe.
.JPG)
Notas
editar- ↑ Alicia Graña Novelle et al.: Artigo "Baiona" en Gran Enciclopedia Galega: Ten tamén certo mérito o cruceiro da Trindade, situado nunha antiga calzada romana. É un antigo baldaquino de pedra de estilo renacentista que acubilla un cruceiro gótico de finais do século XV ou comezos do XVI.
- ↑ Concellería de Turismo - Concello de Baiona. "Cruceiro da Trinidade". Consultado o 12/11/2014.
Véxase tamén
editarWikimedia Commons ten máis contidos multimedia na categoría: Cruceiro da Santísima Trindade  |
Bibliografía
editar- Castelao (1950): As cruces de pedra na Galiza ([1] Museo de Pontevedra).
- Castillo, Ángel del (1987) [1972]. Fundación Pedro Barrié de la Maza, ed. Inventario Monumental y Artístico de Galicia (Inventario de la riqueza monumental y artística de Galicia) (2ª ed.). A Coruña. p. 57. ISBN 84-85728-62-9.