Cristino Álvarez Hernández

Cristino Álvarez Hernández, nado na Coruña o 24 de xullo de 1908 e finado na mesma cidade o 15 de agosto de 1998, foi un farmacéutico e político galego.

Cristino Álvarez Hernández

Biografía
Nacemento	24 de xullo de 1908 A Coruña, España
Morte	15 de agosto de 1998 (90 anos) A Coruña, España
Educación	Universidade de Santiago de Compostela
Actividade
Ocupación	farmacéutico, político
Familia
Fillos	Cristino Álvarez Herrera

Para outras páxinas con títulos homónimos véxase: Cristino Álvarez.

Traxectoria

Licenciado en Farmacia pola Universidade de Santiago de Compostela (1929). Proclamada a República, afiliouse á Unión Regional de Derechas e en 1937 pasou a militar en FET y de las JONS ata a súa disolución. En 1943 foi nomeado Xefe do Sindicato Local de Industrias Químicas e logo Xefe Provincial do mesmo. Foi concelleiro da Coruña (1946) e primeiro tenente de alcalde ata o seu cesamento en 1958. Foi presidente do Colexio Oficial de Farmacéuticos da provincia da Coruña (1937-1968) e vicepresidente do Consejo General de Colegios Oficiales de Farmaceúticos de España (1959-1966).

Foi redactor deportivo de Radio La Coruña e Radio Nacional de España e colaborou en La Voz de Galicia, El Ideal Gallego, Farmacia Nueva e Revista del Instituto de Estudios Coruñeses José Cornide. Foi nomeado Presidente da Federación Galega de Atletismo (1947-1957) e en 1959 da Federación Galega de Fútbol. En 1946, sendo concelleiro, foi fundador do Trofeo Teresa Herrera, o decano dos torneos de fútbol de verán. En 1953 creou a Asociación Amigos de la Ópera, que presidiu ata a súa morte.

Vida persoal

Foi pai do xornalista gastronómico Cristino Álvarez Herrera.

Véxase tamén

Bibliografía

• Dicionario biográfico de Galicia, Ir Indo Edicións, 2010-2011, Vigo.