Consello Insular de Eivisa e Formentera
O Consello Insular de Eivisa e Formentera (en catalán: Consell Insular d'Eivissa i Formentera) foi unha institución de autogoberno das Illas Pitiusas (Eivisa e Formentera). Creouse en 1978 coa aprobación do réxime de Consellos Insulares e foi instituído oficialmente segundo o que acordaba o Estatuto de Autonomía das Illas Baleares de 1983. Estaba regulado pola Lei de Consellos Insulares.
A institución exerceu, segundo as competencias, un poder normativo (Pleno do Consello) e executivo. O pleno estaba formado por 13 deputados e a súa composición viña establecida polo número de deputados que obtiña cada formación política na circunscrición de Eivisa nas eleccións ao Parlamento das Illas Baleares. Este pleno encargábase de aprobar as tarefas e de escoller o presidente da institución.
Con motivo da aprobación do Estatuto de Autonomía de 2007, esta institución cesou as súas funcións a partir da lexislatura 2007-2011 asumíndoas, no seu ámbito, dous consellos insulares independentes: o Consello Insular de Eivisa e o Consello Insular de Formentera.
Lista de presidentes
editar| No. | Nome | Inicio | Fin | Partido |
|---|---|---|---|---|
| 1. | Cosme Vidal Juan | 19/IV/1979 | 27/VII/1987 | ICIF e PPIB |
| 2. | Antoni Marí Calbet | 27/VII/1987 | 31/VII/1999 | PPIB |
| 3. | Pilar Costa Serra | 31/VII/1999 | 04/VII/2003 | Pacte Progressista |
| 4. | Pere Palau Torres | 04/VII/2003 | 09/VII/2007 | PPIB |