Coidado parental
O coidado parental é unha estratexia comportamental e evolutiva adoptada por algúns animais que fan un investimento parental para incrementar a eficacia biolóxica dos seus descendentes. Esta estratexia significa máis esforzo investido nun número relativamente baixo de descendentes para darlle a cada un deles unha maior posibilidade de sobrevivir para reproducirse; unha estratexia oposta é producir grandes cantidades de descendentes pequenos, xeralmente en forma de ovos que son abandonados para que sobrevivan por eles mesmos.[1]
.jpg)
O coidado parental atópase en moitos insectos, especialmente insectos sociais como as formigas, abellas ou avespas; nalgúns peixes; en moitas aves e especialmente nos mamíferos.
En bioloxía evolutiva
editarEn bioloxía evolutiva, o investimento parental é o gasto de tempo e esforzo que beneficia á descendencia á conta da habilidade dos proxenitores de investir noutros compoñentes da súa propia eficacia biolóxica. Forma parte dun tipo de estratexia reprodutiva na que se elixe e cría un pequeno número de crías con posibilidades relativamente altas de sobrevivir. Pode ir mesmo acompañado da produción dun reducido número de cigotos, mesmo só un.[2][3]
Notas
editar- ↑ http://sesbe.org/sites/sesbe.org/files/recursos-sesbe/evol_cuid_parent.pdf Carranza Almansa, Juan. La Evolución del Cuidado Parental.
- ↑ "Evolution of Parental Care". Oxford Bibliographies.
- ↑ "Reproductive Allocation in Animals". Oxford Bibliographies.