Cloranfenicol acetiltransferase
A cloranfenicol acetiltransferase (ou CAT) é un encima bacteriano (EC 2.3.1.28)[1] que detoxifica o antibiótico cloranfenicol e é responsable da resistencia ao cloranfenicol en bacterias.[2] Este encima une covalentemente un grupo acetilo procedente do acetil-CoA ao cloranfenicol, o cal impide que o cloranfenicol se una aos ribosomas. Un residuo de histidina, localizado na sección C-terminal do encima, xoga un papel central no seu mecanismo catalítico.
| Cloranfenicol acetiltransferase | |||||||||||
|---|---|---|---|---|---|---|---|---|---|---|---|
 | |||||||||||
| Identificadores | |||||||||||
| Símbolo | CAT | ||||||||||
| Pfam | PF00302 | ||||||||||
| InterPro | IPR001707 | ||||||||||
| PROSITE | PDOC00093 | ||||||||||
| SCOPe | 3cla / SUPFAM | ||||||||||
| |||||||||||
| Cloranfenicol acetiltransferase | |||||||||
|---|---|---|---|---|---|---|---|---|---|
| Identificadores | |||||||||
| Número EC | 2.3.1.28 | ||||||||
| Número CAS | 9040-07-7 | ||||||||
| Bases de datos | |||||||||
| IntEnz | vista de IntEnz | ||||||||
| BRENDA | entrada de BRENDA | ||||||||
| ExPASy | vista de NiceZyme | ||||||||
| KEGG | entrada de KEGG | ||||||||
| MetaCyc | vía metabólica | ||||||||
| PRIAM | perfil | ||||||||
| Estruturas PDB | RCSB PDB PDBe PDBj PDBsum | ||||||||
| Gene Ontology | AmiGO / EGO | ||||||||
| |||||||||
Determinouse a estrutura cristalina do encima tipo III de Escherichia coli co cloranfenicol unido. A CAT é un trímero de subunidades idénticas (monómero Mr 25.000) e a estrutura trímera está estabilizada por varias pontes de hidróxeno, algunhas das cales orixínan a extensión dunha folla beta na interface das subunidades. O cloranfenicol únese nun peto profundo localizado no límite entre as subunidades adxacentes do trímero, para que a maioría dos residuos que forman o peto de unión pertenzan a unha subunidade, mentres que a histidina cataliticamente esencial pertence á subunidade adxacente. A His195 está situada apropiadamente para actuar como catalizador básico xeral na reacción, e a estabilización tautomérica necesaria proporciónaa unha interacción pouco común cun oxíxeno do carbonilo da cadea principal.[3]
Aplicación
editarA CAT utilízase como sistema reporteiro para medir o nivel dun promotor ou da súa expresión específica de tecido en experimentos de ADN recombinante. O ensaio da CAT supón monitorizar a acetilación de cloranfenicol etiquetado radioactivamente na placa TLC; a actividade da CAT determínase buscando a forma acetilada do cloranfenicol, a cal ten unha velocidade de migración significativamente maior comparada coa forma non acetilada.[4]
Notas
editar- ↑ Engel J, Prockop DJ (1991). "The zipper-like folding of collagen triple helices and the effects of mutations that disrupt the zipper". Annu. Rev. Biophys. Biophys. Chem. 20 (1): 137–152. PMID 1867713. doi:10.1146/annurev.bb.20.060191.001033.
- ↑ Shaw WV, Packman LC, Burleigh BD, Dell A, Morris HR, Hartley BS (1979). "Primary structure of a chloramphenicol acetyltransferase specified by R plasmids". Nature 282 (5741): 870–2. Bibcode:1979Natur.282..870S. PMID 390404. doi:10.1038/282870a0.
- ↑ Leslie AG (1990). "Refined crystal structure of type III chloramphenicol acetyltransferase at 1.75 A resolution". J. Mol. Biol. 213 (1): 167–186. PMID 2187098. doi:10.1016/S0022-2836(05)80129-9.
- ↑ Gorman, CM; Moffat LF; Howard BH (1982). "Recombinant genomes which express chloramphenicol acetyltransferase in mammalian cells". Mol. Cell. Biol. 2 (9): 1044–1051. PMC 369897. PMID 6960240. doi:10.1128/MCB.2.9.1044.
Este artigo incorpora textos en dominio público procedentes de Pfam e InterPro IPR001707