Ciudadanos de Burgos por Castilla la Vieja
Este artigo (ou sección) está desactualizado(a). A información fornecida mudou ou é insuficiente. |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2020.) |
Ciudadanos de Burgos por Castilla La Vieja (Cidadáns de Burgos por Castela a Vella en galego) (CiBu) é un partido político español de carácter burgalesista e castelanista fundado en 2006 en Burgos. CiBu pretende unha mellora nas condicións de vida dos burgaleses e centra as súas actuais reivindicacións na loita contra o centralismo valisoletano así como noutros temas tales como a recuperación da ferrovía directa Madrid-Burgos por Aranda de Duero ou a oposición á fusión das Caixas de Aforro de Castela e León. Contra a fusión das caixas de Castela e León logrou convocar nunha manifestación, o 5 de decembro de 2008, a case 10.000 persoas.[Cómpre referencia]
| Ciudadanos de Burgos por Castilla la Vieja | |
|---|---|
| Tipo | partido político español |
| Ideoloxía | rexionalismo |
| Data de fundación | 2006 |
| País | España |
| Na rede | |
| http://www.ciudadanosdeburgos.org/ | |
| [ editar datos en Wikidata ] | |
Sobre a base do seu carácter burgalesista, ten como fin a recuperación do protagonismo de Burgos e a súa provincia fronte á marxinación e a falta de investimento ao cal a somete, segundo eles, a Xunta de Castela e León. Do mesmo xeito, ao considerar a Burgos como Cabeza de Castela, promove a recuperación da rexión histórica de Castela a Vella, rexión que en diferentes momentos históricos, que asume CiBu, estivo composta polas provincias de Ávila, Burgos, Cantabria, A Rioxa, Segovia e Soria.
Presentáronse por primeira vez ás eleccións municipais polo concello de Burgos no ano 2007, con Lesmes Peña Hurtado de número 1, conseguindo 851 votos. Nas eleccións ás Cortes de Castela e León conseguiron ese mesmo ano, co empresario hostaleiro Gregorio Sancho Pérez á testa, 1.148 votos (661 na capital).
Nas eleccións municipais do ano 2011 presentouse por catro concellos da provincia de Burgos: Burgos (con Alberto Rodríguez Barreiro de cabeza de lista e 1529 votos), Celada del Camino (37 votos e dous concelleiros), Cogollos (56 votos e un concelleiro) e Estepar (26 votos). Logrando, polo tanto, 1648 votos en total, tres concelleiros e un alcalde (Celada del Camino).