Celso Collazo Álvarez
Celso Collazo Álvarez, nado en Crecente cara a 1900 e finado en Covelo o 22 de setembro de 1936, foi un funcionario e xornalista galego.
| Biografía | |
|---|---|
| Nacemento | c. 1900  Crecente, España |
| Morte | 22 de setembro de 1936 (35/36 anos) Covelo, España |
| Causa da morte | paseo, ferida por arma de fogo |
| Actividade | |
| Ocupación | funcionario, xornalista |
| Familia | |
| Fillos | Celso Collazo Lema |
| Irmáns | Eugenio Collazo Álvarez |
 | |
Traxectoria
editarFillo de Eugenio Collazo Iglesias e irmán de Eugenio Collazo Álvarez. Funcionario municipal, obtivo a praza de Oficial primeiro do Concello de Mondariz en 1926.[1] Foi vicepresidente da Sociedade de Caza e Pesca de Mondariz en 1929.[2] Na República foi elixido secretario do Centro Republicano Democrático de Mondariz en xaneiro de 1932.[3] Simpatizante do Partido Galeguista, foi colaborador de Castelao. Foi correspondente de Faro de Vigo en Mondariz e colaborou en El Tea, onde escribiu artigos a favor do Estatuto de autonomía de Galicia de 1936.[4][5]
Co golpe de Estado do 18 de xullo de 1936 foi paseado o 22 de setembro e o seu cadáver apareceu en Santa Mariña de Covelo. Foi reclamado polo xuíz militar de Vigo mediante requisitoria xunto con Manuel Martínez Alonso, Francisco Bouzas Sánchez, José Troncoso Faro e Luís Soto Fernández o 8 de outubro de 1936.[6]
Vida persoal
editarCasou con Encarnación Lema e foi pai de Celso Collazo Lema.