Carlos Abraira Cela

Para outras páxinas con títulos homónimos véxase: Carlos Abraira.

Carlos Abraira Cela, nado en Buenos Aires o 25 de marzo de 1936 e finado en Miami (Florida) o 18 de febreiro de 2017, foi un médico e galeguista da Arxentina.

Carlos Abraira Cela

Biografía
Nacemento	25 de marzo de 1936 Buenos Aires, Arxentina
Morte	18 de febreiro de 2017 (80 anos) Miami, Estados Unidos de América
Actividade
Ocupación	médico, xornalista
Familia
Pai	José Benito Abraira
Descrito pola fonte	Gran Enciclopedia Galega Silverio Cañada

Traxectoria

Ramón Otero Pedrayo e os membros das Mocidades Galeguistas de Buenos Aires en 1959.

Fillo do dirixente galeguista na emigración José Benito Abraira, foi o primeiro Secretario Xeral das Mocedades Galeguistas, membro do consello de redacción do periódico Adiante (1954-1955) e un dos promotores da organización Follas Novas (xullo 1957), divulgadora do libro galego. Licenciado en Medicina pola Universidade de Buenos Aires (1961), traballou no Michael Reese Medical Center de Chicago. Foi profesor na Loyola University e xefe da sección de Endocrinoloxía do Hospital Hines de Chicago. Colaborador na prensa galeguista de Buenos Aires. En 1999 trasladouse a Miami e foi profesor de Medicina na Universidade de Miami.

Obras

• Vixencia de Castelao nas novas xeracións galegas, 1961.

Vida persoal

Casou en Buenos Aires con Rosa María Saffier o 11 de xullo de 1963.

Véxase tamén

Ligazóns externas

• Entrevista ezaroediciones.com