Calcantita

A calcantita (do latín chalcanthum que significa flor de cobre) é un mineral da clase dos sulfatos cuxa fórmula química é CuSO₄·5HO (sulfato de cobre (II) pentahidratado; contén un 31,5% de CuO, un 32% de SO₃, un 1% de Fe₂O₃ e un 35,5% de auga).

Calcantita
Calcantita (Sulfato cúprico pentahidratado)
Fórmula química	CuSO4·5H2O
Clase	Sulfatos
Sistema cristalino	Triclínico
Cor	Azul e turquesa
Brillo	Vítreo
Dureza	2,5
Fractura	Concoidea
Exfoliación	Imperfecta
Raia	Branca azulada
Densidade	2,2-2,3 g/cm3

Aspecto

De cor azul, a calcantita aparece normalmente en forma de estalactitas, formando costras ou de forma masiva; rara vez fai acto de presenza en forma de cristais ben formados. Os cristais de calcantita só son posibles recrealos artificialmente aínda que de cando en vez podémolos atopar dun tamaño microscópico.

• 
  Calcantita no seu estado natural
• 
  Cristais de calcantita reproducidos artificialmente

Lugares onde se atopa

A calcantita preséntase en zonas de oxidación pola alteración da calcopirita e outros minerais de cobre.

É común atopala en Riotinto (Huelva).

Usos da calcantita

Úsase en química coma antiséptico e tamén na fabricación de pilas e colorantes.

Propiedades

A calcantita é un mineral soluble en auga.

Outros sulfatos

A anhidrita e o xeso son outros minerais importantes da clase dos sulfatos.

Véxase tamén

• sulfato de cobre (II)
• connellita