Cabo da Roca

O cabo da Roca é un cabo situado en Portugal, o punto máis occidental da Europa continental. Era coñecido polos romanos como Promontorium Magnum e durante a era da navegación a vela como a Roca de Lisboa.

Cabo da Roca

(pt) Cabo da Roca
Tipo	cabo promontorio
Localización
División administrativa	Colares, Portugal (pt)
38°46′51″N 9°30′02″O
Bañado por	Océano Atlántico
Cordilleira	Serra de Sintra (pt)
Características
Altitude	140 m

O faro do Cabo da Roca.

Está situado no distrito de Lisboa, 40 quilómetros ao oeste de Lisboa e 18 quilómetros ao oeste de Sintra (concello ao que pertence) no Parque Natural de Sintra-Cascais. As súas coordenadas están inscritas nunha placa de pedra do monumento do lugar (a placa data do ano 1979). O acantilado emerxe do océano Atlántico a aproximadamente 140 metros sobre o nivel do mar. Enriba do acantilado hai un faro e unha tenda para turistas.

O cabo é unha popular atracción turística. O poeta Luís de Camões definiu o Cabo da Roca como o lugar onde a terra se acaba e o mar começa.

Galería de imaxes

• 
  Anoitecer no Cabo da Roca.
• 
  Placa do cabo en día de choiva.
• 
  Placa do cabo en día seco.

Véxase tamén

Outros artigos

• Cabo Fisterra