Brontosauro

Brontosauro Rango fósil: Xurásico Superior
Holotipo de B. excelsus (YPM 1980) no Museo Peabody de Historia Natural.
Clasificación científica
Reino: Animalia Filo: Chordata Clase: Sauropsida Superorde: Dinosauria Orde: Saurischia Suborde: Sauropodomorpha Infraorde: Sauropoda Superfamilia: Diplodocoidea Familia: Diplodocidae Subfamilia: Apatosaurinae Xénero: ''Brontosaurus'' Marsh, 1879
Especie tipo
'Brontosaurus excelsus' Marsh, 1879
Especies
Brontosaurus parvus(Peterson & Gilmore, 1902) Brontosaurus yahnahpin (Filla & Redman, 1994)
Sinonimia
Elosaurus Peterson & Gilmore, 1902 Eobrontosaurus Bakker, 1998 Apatosaurus excelsus Riggs, 1903

Os brontosauros (en latín: Brontosaurus; en grego antigo: βροντήσαῦρος, que quere dicir "lagarto" e "trono") son un xénero de dinosauros saurópodos xigantesco e cuadrúpede. Malia que a especie tipo, B. excelsus, foi considerada durante moito tempo como unha especie do relacionado xénero Apatosaurus, en 2015 os investigadores propuxeron o Brontosaurus como un xénero separado dos Apatosaurus que conta con tres especies: B. excelsus, B. yahnahpin e B. parvus.

Os brontosauros tiñan un longo e delgado pescozo e unha pequena testa adaptada a un estilo de vida herbívoro; tiña un torso enorme e pesado e unha cola a xeito de látego. As diferentes especies viviron durante o Xurásico tardío na formación de Morrison no que hoxe é América do Norte, e extinguíronse a finais do Xurásico. Estímase que os exemplares adultos de brontosauros roldaban as quince toneladas de peso e os 22 metros de longo.

Como saurópodo arquetípico, os brontosauros son un dos dinosauros máis coñecidos e teñen aparecido en filmes, anuncios de publicidade, selos postais e moitos outros tipos de medios de comunicación.