Billete de 1.000 dólares estadounidenses
O billete de 1.000 dólares estadounidenses foi un billete con ese valor facial emitido nos Estados Unidos entre 1862 e 1945.
O billete foi retirado en 1969, mais a derradeira serie segue a ser aínda de curso legal.
Historia
editar- Artigo principal: Billetes do dólar estadounidense.
O billete de mil dólares dos Estados Unidos imprimiuse desde 1862 ata 1945. Tivo unha circulación moi escasa entre a poboación, dado que se concibiu principalmente como un billete destinado a facilitar as transaccións interbancarias.[1]
Do mesmo xeito que o resto dos billetes con valor nominal superior aos 100 dólares, o billete de 1.000 dólares foron suspendidos en 1946, aínda que se permitiu o seu mantemento na circulación ata o 14 de xullo de 1969, cando foron retirados.[1] A partir desa data, os bancos teñen a obriga de enviar calquera billete de 1.000 dólares ao Departamento do Tesouro para a súa destrución.[2]
Malia isto, a serie de 1934, emitida como billete da Reserva Federal, mantén aínda o curso legal, e en 2009 estimouse que quedaban 165.372 exemplares esparexidos por varios países de todo o mundo.[3]
Series
editarEmitíronse sete series principais do billete de 1.000 dólares, con numerosas variantes:[3][4]
- 1862-1863: coa imaxe de Robert Morris, asinante da Declaración de Independencia, no anverso (cinco espécimes coñecidos).[5]
- 1879-1880: coas imaxes de Cristovo Colón e do alcalde de Nova York, DeWitt Clinton.[6]
- 1878-1891: con William L. Marcy no anverso (certificado de prata).[7]
- 1890: con George Meade no anverso (billete do Tesouro).[8]
- 1870-1922, con Alexander Hamilton no anverso (certificado de ouro).[9]
- 1918: Alexander Hamilton e selo azul no anverso (billete da Reserva Federal).[10]
- 1928 e 1934: con Grover Cleveland no anverso (billete da Reserva Federal).[11]
Galería
editar.jpg)
Notas
editar- ↑ 1,0 1,1 "Historical Currency". Bureau of Engraving & Printing (BEP.gov).
- ↑ "Federal Reserve Notes". Board of Governors of the Federal Reserve System (Federalreserve.gov).
- ↑ 3,0 3,1 "History of the 1000 Dollar Bill". APMEX (Learn.apmex.com).
- ↑ Friedberg, A. L.; Friedberg Krause, I. S. (2006).
- ↑ "1.000 Dollars (1863)". Banknote.ws
- ↑ "1.000 Dollars (1880)". Banknote.ws
- ↑ "1.000 Silver Dollars". Banknote.ws
- ↑ "1.000 Dollars (1890)". Banknote.ws
- ↑ "1.000 Dollars (1875)". Banknote.ws
- ↑ "1000 Dollars Large-Size Federal Reserve Note". Numista.com
- ↑ "1.000 Dollars (1928)" / "(1934)". Banknote.ws
Véxase tamén
editarWikimedia Commons ten máis contidos multimedia na categoría: Billete de 1.000 dólares estadounidenses  |
Bibliografía
editar- Krause, C. L.; Lemke, R. F. (2002). Standard Catalog of United States Paper Money. Krause Publications. ISBN 0-8734-9490-3
- Friedberg, A. L.; Friedberg Krause, I. S. (2006). Paper Money of the United States: a complete illustrated guide with valuations. Coin & Currency. ISBN 9780871845184