Bareyo

Bareyo
Localización
	43°28′56″N 3°36′39″O / 43.482222222222, -3.6108333333333
Estado	España
Comunidade autónoma	Cantabria
Capital	Bareyo
Poboación
Poboación	2.133 (2024) (65,75 hab./km²)
Xeografía
Parte de	Q107553140 ; Q107553145
Superficie	32,44 km²
Bañado por	Mar Cantábrico
Altitude	46 m
Comparte fronteira con	Arnuero ; Ribamontán al Monte ; Meruelo ; Ribamontán al Mar
Organización política
• Alcalde	Jose de la Hoz Lainz (en)
Identificador descritivo
Código postal	39170
Fuso horario	UTC+01:00
Código INE	39011
Sitio web	aytobareyo.org

Bareyo é un municipio e localidade pertencente á comunidade autónoma de Cantabria. Limita polo norte co mar Cantábrico, polo oeste con Ribamontán al Mar, polo sur con Ribamontán al Monte e polo leste con Arnuero e Meruelo. Está situado na histórica comarca de Trasmiera.

No concello atópase o punto máis setentrional da costa cántabra, o cabo de Ajo, situado na fin da ría de Ajo, desembocadura do río Campiazo. A costa do municipio alterna cantís con praias. Polo interior, no sur do concello, áchanse diversos outeiros que non superan os 230 metros e que forman o val de Güemes.

Historicamente, na Idade Moderna o seu territorio pertenceu á Xunta de Sete Vilas, incluída esta no Meiriñado de Trasmiera. A Xunta desapareceu coa chegada dos municipios constitucionais e quedou dividida nos concellos de Castillo Siete Villas, do que posteriormente se separou o municipio de Noja e actualmente chamado Arnuero, Meruelo e Ajo, ou tamén chamado Fuente Espina segundo as fontes. O municipio de Ajo foi chamado así desde 1822 até 1835, que tomou o nome de Bareyo, aínda que conserva a súa capitalidade na localidade de Ajo.

Coma o resto da zona costeira, a economía baséase principalmente no sector servizos, e máis concretamente no sector turístico, que é un activo importante polas praias e o pobo en si, ademais da gastronomía que oferta. O sector primario está en retroceso, aínda que no pasado foi a principal actividade económica da zona.

Localidades

Ajo (Capital) (1.612 habitantes en 2009).
Bareyo ( 160 habitantes en 2009).
Güemes (288 habitantes en 2009).

Fonte: INE

Núcleo de poboación

Bareyo é tamén nome dunha localidade do municipio, que non coincide coa capital. No 2008 contaba cunha poboación de 177 habitantes (160 habitantes no 2009) (INE). A localidade atópase a 53 metros de altitude sobre o nivel do mar, e a un quilómetro da capital municipal, Ajo. Destaca do lugar a igrexa de Santa María, con cabeceira e un transepto románicos da segunda metade do século XII, que foi declarada Ben de Interese Cultural, coa categoría de Monumento, en 1978.

Patrimonio

Dous son os bens de interese cultural deste municipio, ambos con categoría de monumento:

A Igrexa de Santa María de Bareyo.
O Muíño de La Venera, na ría de Ajo.

Ademais, está inventariada a Casa patrucial de Crespo, en Güemes.

Outros monumentos relixiosos de interese, a parte do citado, son:

A igrexa de San Martín de Tours de Ajo.
O antigo convento de San Ildefonso no barrio do Convento (Ajo).
A igrexa de San Vicente Mártir en Güemes.
A ermida de San Pedruco en Ajo.
A ermida de San Roque en Ajo.

Outros monumentos civís son:

A Casona de Carre.
A Casona de Llabad Camino.
A casa de Villanueva.
A Casona de Cubillas.
A Casona de Cubillas - Vélez de Hotanilla.
A Casona de La Peña (actualmente un hotel).

Praias

En Ajo están localizadas as dúas únicas praias que ten o municipio, estas son:

Praia de Cuberris. A praia, que se encontra protexida polo Cabo de Ajo á dereita e a Punta Cárcabos á esquerda, é un lugar frecuentado por surfistas durante todo o ano e por bañistas en verano.
Praia de Antuerta. Está protexida polo leste pola Punta Carcabos e polo oeste por Punta Urdiales. A esta pequena praia só se pode acceder a pé, pero aínda así é moi frecuentada por surfistas e naturistas.

Festas

As festas máis populares de Bareyo son:

O 3 de febreiro: San Blas en Bareyo.
O 16 de xullo: Nosa Señora do Carme.
O 3 e 4 de agosto: Santo Domingo, en Ajo.
O 10 de agosto: San Lourenzo, en Güemes.
O 16 de agosto: San Roque en Ajo.
O primeiro venres de setembro: San Pedruco, en Ajo.
O primeiro sábado de setembro: Nosa Señora de Consolación, en Güemes.

Economía

Un 25 % de la poboación do municipio emprégase no sector primario, un 19,1 % na construción, un 9,5 % na industria e un 46,4 % no sector servizos.

Medios de información

A corporación municipal edita desde o 2007 a revista La Ojerada, que informa sobre distintas actividades que transcorren no concello.

Xentilicios

De Ajo, Ñero. De Bareyo, Birigañas. De Güemes, Camperro. De Bareyo (municipio), Bareyiego.

Demografía

Evolución demográfica
1900	1910	1920	1930	1940	1950	1960	1970	1980	1990	2000	2007	2008	2009
1.184	1.299	1.512	1.789	2.100	2.299	2.118	1.758	1.642	1.635	1.708	1.928	2.003	2.060

Fonte: INE

Administración

José de la Hoz Lainz (PRC) é o actual alcalde do municipio. As seguintes táboas mostran os resultados das eleccións municipais celebradas no 2003 e 2007.

Eleccións municipais, 25 de maio de 2003
Partido	Votos	%	Concelleiro
PP	594	45,94 %	5
Ucn	327	25,29 %	2
PRC	180	13,92 %	1
PSOE	149	11,52 %	1

Alcalde electo: Antonio Güemes Díez (PP).

Eleccións municipais, 27 de maio de 2007
Partido	Votos	%	Concelleiros
PP	601	42,81 %	4
PRC	483	34,40 %	3
CDL	183	13,03 %	1
PSOE	131	9,33 %	1

Alcalde electo: José de la Hoz Lainz (PRC).

Véxase tamén

Ligazóns externas

Bareyo en www.cantabriajoven.com
Bareyo en www.inforural.com
Bareyo en www.cantabria102municipios.com