Antonio Casares Rodríguez

Para outras páxinas con títulos homónimos véxase: Antonio Casares.

Antonio Jacobo Casares Rodríguez, nado en Monforte de Lemos o 28 de abril de 1812 e finado en Santiago de Compostela o 12 de abril de 1888, foi un químico galego.

Antonio Casares Rodríguez

Biografía
Nacemento	28 de abril de 1812 Monforte de Lemos, España
Morte	12 de abril de 1888 (75 anos) Santiago de Compostela, España
Reitor da Universidade de Santiago de Compostela
Catedrático de universidade
Actividade
Ocupación	químico, profesor titular
Empregador	Universidade de Santiago de Compostela
Membro de	Royal Academy of Sciences and Arts of Barcelona (en)
Familia
Fillos	Fermín Casares Teijeiro

Traxectoria

Seu pai fora o boticario do convento dos xesuítas e será alí levou a cabo os primeiros estudos de primaria. Estudou a secundaria nos xesuítas de Valladolid.

Licenciouse en Filosofía e Farmacia. Gañou a primeira Cátedra de Química Aplicada ás Artes da Real Sociedade Económica de Amigos do País de Santiago. Foi o primeiro titular da Cátedra de Química na Universidade de Santiago de Compostela; ocupouna a raíz da súa creación polo plan de estudos de 1845, e ata a súa morte no 1888. Foi decano da Facultade de Filosofía (1846), da Facultade de Farmacia (1857) e o primeiro decano da Facultade de Ciencias (1859), e foi reitor dende 1871.

Desenvolveu a súa intensa vida científica e académica en Galicia, cara ao ben común da súa terra. Realizou investigación aplicada á industria, a agricultura e a medicina e estudo dos métodos de análise, do que é un dos iniciadores en España. Asemade, foi un dos iniciadores da espectroscopía peninsular. No 1866 aparece o seu Tratado práctico de análisis químico de las aguas minerales y potables.

Vida persoal

Casou con Juana Teijeiro Fernández, irmá de Maximino Teijeiro Fernández e foi pai de Fermín Casares Teijeiro.

Véxase tamén

Bibliografía

• Couceiro Freijomil, Antonio (1951-53). Diccionario bio-bibliográfico de escritores (en castelán). Bibliófilos Gallegos. 
• Díaz-Fierros, F.; Fraga, X. A.; Mato, A., eds. (2018). Álbum da ciencia: 30 nomes e as súas achegas. Santiago de Compostela: CCG. ISBN 978-84-92923-94-6. 
• Losada Sanmartín, María Luisa (2014). Antonio Casares Rodríguez. Químico, médico e farmacéutico. Sarria: Ouvirmos. ISBN 978-84-941053-3-3. 
• Dicionario biográfico de Galicia. Ir Indo Edicións. 2010-2011. 
• Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 

Ligazóns externas

• Suay-Matallana, Ignacio (2014). "Los públicos del Tratado y el Manual de Química General de Antonio Casares (1812-1888)" (en castelán)
• Na Universidade de Santiago de Compostela (en castelán).
• "El gran científico Antonio Casares nació en Monforte hace 190 años" La Voz de Galicia (en castelán).
• "Monforte conmemorará con numerosas actividades el bicentenario del científico Antonio Casares" La Voz de Galicia (en castelán).
• "La Real Academia Galega de Ciencias homenajeará al químico Antonio Casares en el Día do Científico Galego" (en castelán).