Pica de Blyth

No Santuario de Vida Silvestre de Pangolakha en Sikkin Leste, India

Pouco preocupante^[1]

Dominio:	Eukaryota
Reino:	Animalia
Filo:	Chordata
Clase:	Aves
Orde:	Passeriformes
Familia:	Motacillidae
Xénero:	Anthus
Especie:	Anthus godlewskii (Taczanowski, 1876)

A pica de Blyth^[2] (Anthus godlewskii) é un ave paseriforme de mediano tamaño que se reproduce en Mongolia e zonas veciñas da China, Tíbet e India. É unha ave migradora a grandes distancias, que se despraza ás zonas baixas abertas do sur de Asia. No oeste de Europa é unha rara ave vagante e está incluída na lista das aves ibéricas.

É unha pica grande principalmente marrón na parte dorsal e clara na ventral, pero é moi difícil distinguila no chan, pasando desapercibida. É moi similar á pica de Richard (Anthus richardi), pero lixeiramente máis pequena, de patas máis curtas e bico escuro máis curto. O seu voo é potente e directo, e emite unha chamada característica que soa aproximadamente "pshii", de ton máis alto que a que emite a de Richard.

No sur de Asia, en inverno cómpre fixarse moito para distinguila doutras picas grandes que pasan o inverno ou son residentes na área, incluíndo a pica de Richard. A pica de Blyth é insectívora.

Esta ave recibe o seu nome en honra do zoólogo inglés Edward Blyth. O nome do xénero Anthus é a palabra latina para designar un paxaro pequeno das praderías. O adxectivo específico godlewskii fai referencia ao nobre polaco e naturalista de campo Victor Godlewski.^[3]

Galería

Pica de Blyth.
Primeira plumaxe invernal.
No río Manohara, val de Kathmandú, Nepal.

Notas

↑ BirdLife International (2016). "Anthus godlewskii" 2016: e.T22718505A94584095. doi:10.2305/IUCN.UK.2016-3.RLTS.T22718505A94584095.en. |data-acceso= require |url= (Axuda)
↑ "Denominación das aves". Real Academia Galega. Consultado o 2024-12-05.
↑ Jobling, James A. (2010). The Helm Dictionary of Scientific Bird Names. Londres, Reino Unido: Christopher Helm. pp. 49, 175. ISBN 978-1-4081-2501-4.

Véxase tamén

Identificación

Heard, Chris (1995) Unravelling the mystery Birdwatch 41:20-24
Page, Doug (1997) From the Rarities Committee's files: problems presented by a pale Blyth's Pipit British Birds 90(10):404-409

[iucn_status_12_November_2021-1] BirdLife International (2016). "Anthus godlewskii" 2016: e.T22718505A94584095. doi:10.2305/IUCN.UK.2016-3.RLTS.T22718505A94584095.en. |data-acceso= require |url= (Axuda)

[2] "Denominación das aves". Real Academia Galega. Consultado o 2024-12-05.

[job-3] Jobling, James A. (2010). The Helm Dictionary of Scientific Bird Names. Londres, Reino Unido: Christopher Helm. pp. 49, 175. ISBN 978-1-4081-2501-4.

[1]

[2]

[3]