Wikipedia

Anacardiaceae

Anacardiaceae é unha familia de plantas esencialmente arbóreas e arbustivas pertencente á orde Sapindales. Constitúena 77 xéneros cunhas 700 especies aceptadas, das case 3000 descritas, propias de países tropicais, cálidos e tépedos.[1]

Descrición

editar

Son árbores, arbustos, raramente subarbustos ou trepadoras, frecuentemente con zume venenosa. Son plantas dioicas, monoicas, andromonoicas, polígamas ou hermafroditas. Teñen follas alternas, raramente opostas ou verticiladas, simples ou pinnaticompuestas, pecioladas ou sésiles, xeralmente sen estípulas; cando son compostas, os folíolos son opostos ou ás veces alternos, de marxes enteiras, serrados ou crenados. As inflorescencias son terminais e/ou axilares, tirsoides, paniculadas, en acio ou espigadas, con brácteas e bractéolas deciduas ou persistentes, petaloides ou foliosas, de flores actinomorfas, unisexuais ou bisexuais, con hipanto ás veces presente e perianto xeralmente de 2 verticilos. O froito é drupáceo ou samaroide, carnoso ou seco, ás veces cun á lateral ou marxinal, ocasionalmente co cáliz subxacente agrandado (Astronium) ou unido a un hipocarpo carnoso (Anacardium). As sementes, en número de 1–12, posúen endosperma escaso ou ausente, un embrión curvado ou recto, os cotiledóns xeralmente libres, bilobados, iguais ou plano-convexos.[2]

Taxonomía

editar

Anacardiaceae foi descrita por Robert Brown e publicada en Narrative of an Expedition to Explore the River Zaire, p. 431, 1818.[2]

Xéneros

editar

Sinonimia

editar
  • Blepharocaryaceae, Comocladiaceae, Julianiaceae, Lentiscaceae, Pistaciaceae, Schinaceae, Spondiadaceae, Vernicaceae.
  • Julianaceae.[3]

Notas

editar
  1. ↑ Anacardiaceae en The Plant List, vers. 1.1, 2013
  2. ↑ 2,0 2,1 "Anacardiaceae". Tropicos.org. Missouri Botanical Garden. Consultado o 13 de xullo de 2013. 
  3. ↑ [Ligazón morta]

Véxase tamén

editar

Ligazóns externas

editar
Traído desde «https://gl.wiki.x.io/w/index.php?title=Anacardiaceae&oldid=6437391»