Ana Orantes
Ana Orantes Ruiz, nada en Granada o 6 de febreiro de 1937 e finada en Cúllar Vega o 17 de decembro de 1997, foi unha muller española vítima de violencia de xénero, que explicou nunha entrevista na televisión a violencia á que fora sometida por parte do seu exmarido. Poucos días despois do testemuño na televisión, foi asasinada pola súa exparella,[1] feito que xerou un grande impacto e visibilidade da violencia de xénero na sociedade española, e como resultado, a remodelación do Código Penal.[2]
| Biografía | |
|---|---|
| Nacemento | (es) Ana Orantes Ruiz  6 de febreiro de 1937 Granada, España |
| Morte | 17 de decembro de 1997 (60 anos) Cúllar Vega, España |
| Causa da morte | asasinato |
| Lugar de sepultura | Cemiterio de San José |
| Cronoloxía | |
| homicidio
| |
| Descrito pola fonte | Overlooked No More: Ana Orantes, Whose Gruesome Murder Brought Change to Spain |
 | |
Ana foi a vítima mortal de violencia de xénero número 59 de 1997 en España.[3]
Recoñecemento
editarNo concello de Cúllar Vega foi erixido un monumento en forma dun monólito en memoria de Ana Orantes e Encarnación Rubio, ambas as dúas vítimas mortais da violencia de xénero. Cada ano, o día 25 de novembro, celébrase ao lado deste monólito o acto institucional municipal do Día Internacional para a Eliminación da Violencia contra a Muller, coa lectura do manifesto aprobado no pleno do concello, e a intervención de asociacións e os distintos sectores da comunidade educativa de Cúllar Vega.[4][5]
A xornalista e feminista Nuria Varela publicou en 2012 un libro titulado La voz ignorada. Ana Orantes y el fin de la impunidad co desexo de "render homenaxe a unha muller que perdeu a súa vida pola verdade e que, grazas á súa bravura, conseguiu axitar a conciencia dun país, cambiar as súas leis, romper o silencio e entrar no debate público e a axenda política, o que até entón era unha cuestión limitada á esfera privada".[6]
Notas
editar- ↑ "Recordando a Ana Orantes, cuyo testimonio cambió la visión de la violencia machista". El País (en castelán). 30 de setembro de 2017.
- ↑ "El asesinato de Ana Orantes: un antes y un después en la violencia machista en España". Huffington Post (en castelán). 17 de novembro de 2017.
- ↑ "Un centenar de personas despide entre aplausos el ataúd de la mujer quemada viva por su ex marido". El País (en castelán). 19 de decembro de 1997.
- ↑ "Monolito en memoria de Ana Orantes y Encarnación Rubio". El País (en castelán). 25 de novembro de 2004.
- ↑ "El pueblo de la asesinada Ana Orantes conmemora el día contra la violencia". El País (en castelán). 25 de novembro de 2005.
- ↑ "Nuria Varela homenajea a Ana Orantes en ‘La voz ignorada’". Sin género de dudas.