Aleister Crowley
Aleister Crowley, nado co nome de Edward Alexander Crowley en Leamington o 12 de outubro de 1875 e finado en Hastings o 1 de decembro de 1947, foi un ocultista, escritor, místico e hedonista británico. Coñecido polos seus escritos ocultistas, especialmente The Book of the Law, o texto sagrado central do Thelema.
  | |
| Biografía | |
|---|---|
| Nacemento | (en-gb) Edward Alexander Crowley 12 de outubro de 1875 Royal Leamington Spa, Reino Unido (pt)  |
| Morte | 1 de decembro de 1947 (72 anos) Hastings, Reino Unido |
| Causa da morte | bronquite |
| Relixión | Thelema |
| Educación | Trinity College Eastbourne College (en) Tonbridge School (en) Malvern College (en) |
| Actividade | |
| Campo de traballo | Ocultismo |
| Ocupación | dramaturgo, montañista, astrólogo, xadrecista, fundador, escritor, ocultista, autobiógrafo, novelista, compositor de xadrez |
| Membro de | |
| Movemento | Thelema |
| Pseudónimo literario | H. D. Carr |
| Deporte | xadrez |
| Participou en | |
| 1902 | 1902 Karakoram expedition (en) |
| Obra | |
Obras destacables
| |
| Arquivos en | |
| Familia | |
| Cónxuxe | Rose Edith Kelly (1903–1909) |
| Parella | Greta Valentine |
| Fillos | Randall Gair Doherty (  ) |
Sinatura  | |
| Descrito pola fonte | Obálky knih,  Medvik >>>:Crowley, Aleister, 1875-1947, |
       | |
Traxectoria
editarFillo dun millonario cervexeiro galés, pronto quedou orfo e herdou unha gran fortuna. Foi criado por dúas tías solteiras que pertencían ós Irmáns de Plymouth, unha igrexa protestante moi puritana, estudou en Cambridge, onde por primeira vez empezou a sentirse libre lonxe da súa familia: desa época datan os seus primeiros ensaios, novelas e poesías eróticas. Como ocultista adoptou, a modo dun dos seus nomes máxicos, o de Baphomet, para o que deseñou un símbolo, baseándose nun deseño orixinal tallado en pedra.
Ingresou no Templo de Isis-Urania da Orde Hermética da Aurora Dourada de carácter rosacruciana: enfrontado con outros membros da orde como William Butler Yeats e S. L. McGregor Mathers, deixou a orde e creou a organización ocultista Astrum Argentum (A:.A:.), chegando tamén a ser cabeza visible da OTO (Ordo Templi Orientis), tamén foi membro honorífico doutras sociedades secretas e loxas masónicas.
Retirouse a Escocia, preto da localidade de Foyers onde mercou unha casa a beiras do famoso Lago Ness á que chamou Pazo de Boleskine. Alí, de acordo co antigo costume escocés de chamar "Laird" a un terratenente, fíxose chamar Laird de Boleskine e Abertarff.
Crowley chamou Iluminismo Científico ó seu sistema para a A:. A:. e para divulgar os ensinos do mesmo escribiu, xunto con varios colaboradores, a serie de revistas chamadas "O Equinoccio" (The Equinox). O lema do Iluminismo Científico é "O método da Ciencia, o obxectivo da Relixión", lema no que, conforme aclara o propio Aleister Crowley, "está expresado todo".