Agustín Álvarez Araujo

Agustín Álvarez Araujo, coñecido como Tito ou Caralladas, nado en Rorís (Teis, Vigo) en 1918 e finado en Vigo o 30 de maio de 1947, foi un guerrilleiro antifranquista galego.

Agustín Álvarez Araujo

Biografía
Nacemento	1918 Rorís, España
Morte	30 de maio de 1947 (28/29 anos) Teis, España
Causa da morte	morte en combate, ferida por arma de fogo
Outros nomes	Tito Caralladas
Actividade
Ocupación	maquis, carpinteiro
Partido político	Partido Comunista de España
Membro de	Exército Guerrilleiro de Galicia
Carreira militar
Conflito	guerra civil española

Traxectoria

Carpinteiro veciño do Paraixal (Teis) e militante do PCE. Co golpe de Estado do 18 de xullo de 1936 foi mobilizado e participou na guerra civil no exército franquista. Desertor do exército, estivo preso en Mozarrifar (Zaragoza). Foi novamente arrestado en 1945, pero logrou escapar. Uniuse ao grupo de Manuel Simón Campos, activo na área de Vigo e o sur da provincia de Pontevedra, en outubro de 1946. En novembro de 1946 incorporouse ao destacamento Paco Barreiro da V Agrupación do Exército Guerrilleiro de Galicia. Morreu nun enfrontamento coa Garda Civil, detrás da Praza de Abastos, en Teis o 30 de maio de 1947.

Véxase tamén

Bibliografía

• Abad Gallego, Xoán Carlos (2005). Héroes o forajidos. "Fuxidos" y guerrilleiros antifranquistas en la comarca de Vigo. Vigo: Instituto de Estudios Vigueses. p. 464. ISBN 84-89599-33-5. 
• Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. pp. 34–35. ISBN 84-8485-231-8.