Abellaruco europeo

O abellaruco europeo,^[2] tamén coñecido abellaruco^[3]^[4] ou abelleiro^[5]^[6] (Merops apiaster), é un paxaro rubideiro da familia dos merópidos.

Abellaruco europeo

Estado de conservación

Pouco preocupante^[1]

Clasificación científica

Reino:	Animalia
Filo:	Chordata
Clase:	Aves
Orde:	Coraciiformes
Familia:	Meropidae
Xénero:	'Merops'
Especie:	M. apiaster

Nome binomial

Merops apiaster
Linnaeus, 1758

Distribución do abellaruco europeo

Esperanza de vida

Os abellarucos europeos teñen unha esperanza de vida de entre uns 5 e 10 anos.

Dieta

O abellaruco europeo é insectívoro, e o seu nome común é debido ás abellas, que constitúen a súa principal fonte de alimentación.
Aliméntase de insectos voadores, en especial abellas, pero tamén avespas; cázanas no aire e antes de comer as abellas quítanlles o aguillón golpeándoas contra o chan. Poden comer arredor de 250 abellas ou avespas ao día.

Descrición

Pode chegar aos 27 ou 29 cm. É un paxaro con cores ricas, a gorxa amarela, o peito verde e ás azuis e verdes. O seu hábitat é o campo aberto e entre árbores e matos esparexidos, nun clima cálido. Tanto o macho como a femia coidan dos ovos.

Hábitat

Vive no sur de Europa, en partes do norte de África e o oeste de Asia. É un paxaro migratorio, o inverno pásao na África tropical ou no noroeste da India.

Os abellarucos europeos son gregarios, aniña en colonias nas ribeiras dos ríos, escavando buratos ou tobos, xeralmente ao comezo de maio.

En Galiza

Aínda que abunda menos que noutras zonas da Península Ibérica, tamén hai presenza de abellarucos europeos en terras galegas, e a Sociedade Galega de Historia Natural organiza anualmente unhas xornadas de avistamentos destes paxaros chamadas "Na procura do Abellaruco".^[7]

Galería

Parella de abellarucos europeos comendo; acercamento a unha femia europea de abellarucos europeos; ovos de merops apiaster

Notas

↑ BirdLife International (2012). "Merops apiaster". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. Consultado o 26 de novembro 2013.
↑ "Denominación das aves". Real Academia Galega. Consultado o 2024-12-05.
↑ Conde Teira. M. A. (1999). Nomes galegos para as aves ibéricas: lista completa e comentada. Chiogossa, 1: 121-138
↑ Penas Patiño et al Guía de aves de Galicia. Baía Edicións, 2004
↑ Dicionario Ir Indo
↑ Gran Dicionario Cumio
↑ Noya, Brais Rey (2021-07-21). "Na procura do Abellaruco 11.0". Sociedade Galega de Historia Natural. Consultado o 2022-04-06.

Véxase tamén

Outros artigos

Lista de aves de Galicia

[1] BirdLife International (2012). "Merops apiaster". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. Consultado o 26 de novembro 2013.

[2] "Denominación das aves". Real Academia Galega. Consultado o 2024-12-05.

[3] Conde Teira. M. A. (1999). Nomes galegos para as aves ibéricas: lista completa e comentada. Chiogossa, 1: 121-138

[4] Penas Patiño et al Guía de aves de Galicia. Baía Edicións, 2004

[5] Dicionario Ir Indo

[6] Gran Dicionario Cumio

[7] Noya, Brais Rey (2021-07-21). "Na procura do Abellaruco 11.0". Sociedade Galega de Historia Natural. Consultado o 2022-04-06.

[2]

[3]

[4]

[5]

[6]

[1]

[7]