AC-14

AC-14; Autovía de acceso á Coruña
	Vista dos viadutos do nó entre a AC-14 e a V-1.4 en Mesoiro, á altura do polígono de Pocomaco.
Tipoloxía	Autovía
Rede	Rede de estradas do Estado
Lonxitude	AC-14 e AC-14AL suman 13 km
Localización
Inicio	Sésamo A-6
Fin	As Lonzas, A Coruña ; (Avenida de Enrique Salgado Torres)
	Concellos que atravesa A Coruña ; Culleredo ;

A AC-14 ou Autovía de acceso á Coruña, é unha autovía urbana da cidade da Coruña. Cunha lonxitude de preto de 10 quilómetros conecta a autovía A-6 á altura da parroquia de Sésamo^[1] en Culleredo coa avenida de Enrique Salgado Torres na zona das Lonzas, na Coruña.

A finalidade da súa construción foi a de descargar de tráfico a entrada e saída da cidade pola Avenida Alfonso Molina, proporcionando xunto coa autoestrada V-1.4 (tamén chamada Ronda do Deportivo da Coruña) a posibilidade de acceder e saír da cidade a través doutras avenidas. A dous quilómetros do seu fin en Lonzas, a AC-14 bifúrcase coa Ronda do Deportivo da Coruña coa que se pode entrar na cidade pola rúa Manuel Murguía ou pola Avenida de Arteixo. A AC-14 tamén ofrece a posibilidade de chegar á Avenida Alfonso Molina (AC-11) a través da súa última saída cara á Ronda de San Cristovo ou AC-10.

A autovía AC-14 permite ademais acceder ao aeroporto xa que conta no treito Ledoño-A Zapateira cun ramal de case 3 quilómetros, denominado AC-14AL que conduce directamente á terminal do Aeroporto de Alvedro, e permite posteriormente conectar coa estrada nacional N-550^[2].

Construción e inauguración

O proxecto de construción da AC-14 ten a súa orixe nun acordo subscrito no ano 2000 entre os que daquela eran alcalde da Coruña Francisco Vázquez e Conselleiro de Ordenación do Territorio e Obras Públicas Xosé Cuíña^[3]. Habitualmente a obra foi coñecida no seu conxunto polo nome de Terceira Ronda, e finalmente se materializou na construción por parte do Ministerio de Fomento dunha autovía (AC-14) de acceso á cidade dende a A-6 até Lonzas, xunto coa construción por parte da Xunta de Galicia doutra autovía de circunvalación entre a AC-14 e a rotonda do Pavo Real, no cruzamento da rolda de Outeiro e a rúa de Manuel Murguía.

A primeira pedra dos dous treitos que conforman a AC-14 foi posta no ano 2006, sendo alcalde da Coruña Javier Losada^[3]. O primeiro treito inaugurado foi o que vai dende a A-6 ata A Zapateira, que se puxo en servizo en abril do ano 2011^[2]. Daquela agardábase que estivese totalmente operativa a finais de 2013^[4], máis finalmente o tramo Lonzas-A Zapateira foi inaugurado en marzo de 2015^[3], a falta de rematar un par de conexións, e sendo alcalde Carlos Negreira. O custo total conxunto da AC-14 e a V-1.4 foi de máis de 250 millóns de euros^[3].

Conexións da AC-14

Tramos "Lonzas - A Zapateira" e "A Zapateira - Ledoño"

Número de Saída	Nome de Saída, Túnel ou Viaduto	Estrada que liga
0	Catro Camiños	Avenida Salgado Torres
	Viaduto As Lonzas, 445m
1	Avenida Alfonso Molina Polígono de Agrela	AC-10
	Viaduto Pocomaco, 430m
2 (en sentido Ledoño)	Mesoiro Feáns Polígono Pocomaco Campus de Elviña	DP-0512
2A (en sentido A Coruña)	Mesoiro Feáns Pocomaco Campus Elviña	DP-0512
	Viaduto Mesoiro, 105m
2B (en sentido A Coruña)	Riazor Paseo marítimo A Grela-Bens	V-1.4
3	A Zapateira Campus A Zapateira Vilaboa	DP-3006
	Túnel Rias Altas 1, 200m
	Túnel Rias Altas 2, 300m
	Viaduto Rego de Castro, 200m
	Túnel da Zapateira, 54m
	Viaduto Rego de Trabe, 100m
7	Aeroporto de Alvedro	AC-14AL DP-0510 DP-3109
	A Garrocha, 140m
	Lugo Madrid Santiago Ledoño Arteixo Carballo	A-6 AC-523 DP-3109