55 Cancri f
55 Cancri f (abreviado 55 Cnc f e tamén coñecido coma Rho1 Cancri f) é un planeta extrasolar a preto de 41 anos luz de distancia da Terra, na constelación de Cáncer. 55 Cancri f é o cuarto planeta coñecido (en orde de distancia) da estrela 55 Cancri e o primeiro planeta en te-la designación de "f".[2]
| Planeta extrasolar | Lista de planetas extrasolares | |
|---|---|---|
 Os tres puntos próximos a estrela, son os tres planetas máis interiores do sistema. | ||
| Estrela nai | ||
| Estrela | 55 Cancri A | |
| Constelación | Cáncer | |
| Ascensión recta | (α) | 08h 52m 35.8s |
| Declinación | (δ) | +28° 19′ 51″ |
| Magnitude aparente | (mV) | 5,95 |
| Distancia | 40,3 ± 0,4 al (12,3 ± 0,1 pc) | |
| Tipo espectral | G8V | |
| Masa | (m) | 0,95 ± 0,10 M☉ |
| Raio | (r) | 1,152 ± 0,035 R☉ |
| Temperatura | (T) | 5.373 ± 9,7 K |
| Metalicidade | [Fe/H] | 0,29 |
| Idade | 7,4–8,7 Ga | |
| Elementos orbitais | ||
| Eixo semimaior | (a) | 0,781 ± 0,007[1] UA (116,9 Gm) |
| 62,5 mas | ||
| Periastro | (q) | 0,730 UA (109,1 Gm) |
| Apoastro | (Q) | 0,833 UA (124,6 Gm) |
| Excentricidade | (e) | 0,2 ± 0,2[1] |
| Período orbital | (P) | 260,00 ± 1,1[1] d (0,7118 a) |
| Argumento do periastro |
(ω) | 181,1 ± 60[1]° |
| Tempo do periastro | (T0) | 2 450 080,9108 ± 1,1[1] Xd |
| Semi-amplitude | (K) | 4,879 ± 0,6[1] m/s |
| Características físicas | ||
| Masa mínima | (m sin i) | 0,144 ± 0,04[1] MJ (45,7 ± 12,7[1] M⊕) |
| Fluxo estelar | (F⊙) | ~1 ⊕ |
| Información do descubrimento | ||
| Data do descubrimento | 11-04-2005 (anunciado) 06-11-2007 (publicado) | |
| Descubridor(es) | anunciado por J. Wisdom publicado por D. Fischer | |
| Método do descubrimento | Espectroscopia Doppler | |
| Lugar do descubrimento | Estados Unidos | |
| Status do descubrimento | Publicado | |
| Outras designacións | ||
55 Cancri Af, Rho1 Cancri f, HD 75732 f
| ||
| Referencias nas bases de datos | ||
| Enciclopedia Planetas Extrasolares | datos | |
| SIMBAD | datos | |
Descubrimento
editar
A presentación inicial deste planeta ocorreu nunha reunión da Sociedade Astronómica Americana en abril de 2005,[3] pero, con todo, teríase que esperar máis de dous anos e medio antes de que o descubrimento do planeta fose revisado e publicado nun xornal.[1] É o primeiro planeta coñecido fóra do noso sistema solar que ten toda a súa órbita no que os astrónomos chaman a "zona habitable".[4] Ademais, o descubrimento fixo de 55 Cancri a primeira estrela (á parte do Sol) coñecida por ter, polo menos, cinco planetas.
Órbita e masa
editar
55 Cancri f está a unhas 0,781 UA de distancia respecto da estrela e lévalle 260 días facer unha órbita completa.[5] Unha limitación do método da velocidade radial empregado para detectar 55 Cancri f é que só se pode obte-la masa mínima, nese caso, unhas 0,144 veces a masa de Xúpiter, ou a metade da masa de Saturno.[5] Baixo un modelo Kepleriano dos datos da velocidade radial de 55 Cancri A indica que a órbita é circular, incluso cambiando o valor nun intervalo entre 0 e 0,4 non altera significativamente a estadística de Pearson do modelo, así pois, presupónselle unha excentricidade de 0,2 ± 0,2.[1] Nun modelo newtoniano que computa tamén as interaccións entre os planetas, a excentricidade sae como 0,0002, case perfectamente circular.[1]
Observacións astrométricas feitas co telescopio Hubble suxiren que o planeta exterior 55 Cancri d está inclinado 53° respecto do plano do ceo.[6] Os planetas internos 'b' e 'e' están inclinados a 85°. A inclinación de 'f' é descoñecida.
Características
editarXa que o planeta foi detectado indirectamente a través de observacións da súa estrela, propiedades tales coma o seu raio, composición e temperatura son descoñecidas. Cunha masa a metade cá de Saturno,[5] 55 Cancri f é probable que sexa un xigante gasoso sen superficie sólida. Orbita na chamada "zona habitable", o que significa que podería existir auga líquida na superficie nalgunha das súas posibles lúas.[4]
Non se sabe se a súa composición e a súa aparencia é máis semellante á de Saturno ou á de Neptuno.[2] Baseándose na súa temperatura, debería ser un planeta tipo Sudarsky Clase II, cuberto de nubes de auga.[Cómpre referencia]
Notas
editar- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Debra A. Fischer, Geoffrey W. Marcy, R. Paul Butler, Steven S. Vogt, Greg Laughlin, Gregory W. Henry, David Abouav, Kathryn M. G. Peek, Jason T. Wright, John A. Johnson, Chris McCarthy, Howard Isaacson (23-12-2007). "Five Planets Orbiting 55 Cancri". Astrophysics 675: 790–801. Bibcode:2008ApJ...675..790F. arXiv:0712.3917. doi:10.1086/525512.
- ↑ 2,0 2,1 Shige Abe (12-11-2007). NASA Astrobiology, ed. "Researchers Identify First Five-Planet Extrasolar System". Arquivado dende o orixinal o 16-09-2008. Consultado o 17-09-2008.
- ↑ J. Wisdom (11-04-2005). The American Astronomical Society, ed. "A Neptune-sized Planet in the rho1 Cancri System". DDA 36th Meeting, 10–14 April 2005—Session 5 Posters. Arquivado dende o orixinal o 16-12-2006. Consultado o 17-09-2008.
- ↑ 4,0 4,1 Ian Sample, science correspondent (07-11-2007). The Guardian, ed. "Could this be Earth's near twin? Introducing planet 55 Cancri f". London. Arquivado dende o orixinal o 02-10-2008. Consultado o 17-10-2008.
- ↑ 5,0 5,1 5,2 Jean Schneider (2011). Extrasolar Planets Encyclopaedia, ed. "Notes for Planet 55 Cnc f". Consultado o 08-10-2011.
- ↑ Han; Black, David C.; Gatewood, George; (2001). "Preliminary Astrometric Masses for Proposed Extrasolar Planetary Companions". The Astrophysical Journal Letters 548 (1): L57–L60. Bibcode:2001ApJ...548L..57H. doi:10.1086/318927.
Ligazóns externas
editar| Wikimedia Commons ten máis contidos multimedia na categoría: 55 Cancri f |
- Ward, Glen (08-11-2007). "Astronomers Find Fifth Planet Around 55 Cancri". The Starry Mirror. Arquivado dende o orixinal o 10-11-2007. Consultado o 17-09-2008.